سيارتي تعبانه ، غاصت بالمطر وعشت تشتغل !

[[ أبو سلمان ]]

سلام عليكم ورحمة الله وبركاته !
مساكم الله بالخير جميعاً ، بما أننا شرينا دولاب جديد فحبيت أستشيركم في هالامر :d !

قبل فترة ، نفرايه اخذت سيارتي [ أكورد 2006 ] و أخذ فيها كم لفه ولعله دخل فيها بشارع مليان مويه
يقول : الماء وصل لنصف الباب بمعنى ذلك انه من المؤكد ان الماء دخل لكبوت السياره ، وبرضه دخل داخل السياره
على الفرشات والمراتب !

طبعا السياره مشت مسافه طويله تقدر بالـ 10 كيلو ، ثم طفت عليه بنصف الطريق وقالت هذا مكاني اليوم
يقول الاخ المذكور آنفا : أني خليت السياره بمكانه ورجعت له الصباح بحيث تظربها الشمس وتنشف !
لما رجع لها الصبح عيت تشغتل الا يسوي لها اشتراك ، واشتغلت الحمد لله إلى أن وصل بيتهم ثم طفت مره ثانيه
وحاول يشغلها باشتراك وبغيره ولا نفع !

ركبناها السطحه ودزيناها للورشه وقعدت كم يوم واشتغلت الحمد لله ، غيروا بعض القطع [ رمانات مادري وش حقته :d ]

استلمت السياره من الورشه وكانت تمشي تمام الحمد لله ، وعقب ماوقفتها عند البيت وحاولت اشغلها عقب فتره ولا اشتغلت ..

واشتغلت بعد ما سوينا له اشتراك بباص سواق جدي :d !
صار له كم يوم ماتشغتل واسوي لها اشتراك وامشي ، إلى ان جاء الجمعه الماضيه وكنت اسير بالسياره لوحدي في الطريق :d >> بسم الله عليك !

كنت امشي بسرعه 220 ، وبدت تقطع علي والانبيرات تنام والمسجل والمكيف يطفى ، طبعا تكررت المشكله كم مره بنفس اللحظه بأوقات متفاوته وبينها دقائق قليله !

والحمد لله وصلت البيت ووقفته عند البيت وطفيت السياره ، وحاولت اشغل السياره وما اشتغلت !
وإلى الآن ما اشتغلت !

طبعا لما خربت المره الاولى ماغيرت البطاريه ولا غيرت الفلتر والسيفون !

اتمنى اجد حل لهالمشكله العويصه واتخلصت من الاكسنت الي ناشبتن بحلقي !
والي خابرن لي ورشه ببريده وشغلهم مظبوط وعليه الكلام ، يوصف لي مكانهم !

والله يعطيكم الصحه والعافيه !

تحيات محبكم ابو سلمان
من على جانب الدولاب الجديد :d !

سلام عليكم

[Jack]

والله ما عندي خبره في هالسوالف بس أتوقع البطاريه فيها شي
إن شاء الله الشباب يفيدونك

[الشمــــالـــي]

هلابك يابو سلمان

انا اتوقع من الدينمو يمكن مجيّم ،،

ويمكن داخله حصا .

[::: كـاكـا :::]

(( مافي غير الدنمو ))

[[ أبو سلمان ]]

هلا والله بالعيال !

يعني الحين 2 للدينمو مقابل 1 للبطاريه
البطاريه مابه كلام لابد تغير !

انا اليوم مريت الوكاله وشرحت له وضع السياره ، قال لي أنه 99% الكمبيوتر خربان ويبي له تغيير
وسعره قبل الخصم 4800 وبعد الخصم 3400 ! >> والله لو انه Apple كان اقل من هالسعر :D

طيب وش رايكم ، افصحه عند الوكاله ولا عند ورشات الصناعيه ؟

[المباشر]

والله يالغالي انا متأكد انه الكمبيوتر

والسبب سيارت الكثيرين غرقت بالمطر وخرب عندهم الكمبيوتر

لكن هم سياراتهم عيت تشتغل مش مثل موترك يشتغل باشتراك..

يعني أشور عليك تغير البطارية وتشوف موضوع الدينمو قبل ماتخسر للكمبيوتر . يمكن تضبط السيارة واذا راسها يابس على كذا مالك الا مخ جديد للموتر ( كمبيوتر ) :d

في سؤال براسي ؟؟؟ لو ركبت كمبيوتر مستعمل من التشليح ينفع ؟؟؟؟ <<< جبتك يامعين تعين ،،، باقي المثل معروف مايحتاج اكمله ;)

[[ أبو سلمان ]]

ههههههههههههههههههههههههههههه

ياحبي لقليبك يامباشر بيه !
والله يابن الحلال شكلي بركب كمبيوتر العائله ، ارخص ويمشي الحال ، خصوصا ان المكافآه له شهرين مانزلت !
واذا تحسنت اوضاعنا اشوف لي كمبيوتر زي الناس !

توي شاري بطاريه ، وغدين اشمر الثوب ونروح نشوف وضع هالبليه !
دقايق ونرجع لكم !

[ياسر الشمراني]

هلا بالزين :d
يالله حيووووووووه
هاه بشر ؟ غديها البطاريه الجديده حلت المشكله
ولاّ مابه حل !!

[acura RL]

على خبري الكميوتر عند الوكاله 4500....

[ثــلــج مــشــوي]

يوم فضت عنجي البطاريه وسويت اشتراك ومشيت

صارت تطفي وتشتغل نفس حالتك بالظبط

وقام المكيف والمسجل يطفأ ويشتغل والعدادت تلعب غيرت البطاره وكل سلك

جرب غيرها وان شاء الله تسلك بدون كمبيوتر وعفسه

[Jack]

ها بشر إن شاء الله زبطت

[[ أبو سلمان ]]

إيه أبشركم ظبطت ، انا لي كم يوم قاعدن افحط به من زود الفرحه >> بعذره له ثلاث اسابيع طافيه ماساقه !
وهذا إن دل فإنما يدل على أن الوكالين خرااااااااااااطين وماعندهم الأ الصوارير ، اجل أبو هنود يقول 99% ان الكمبيوتر خربان :d !
لا وبعد يقاله دقيق وجاب المشكله ، وخروا عن طريقه ;) ، صديق انتا مافي قرقر واجد 99% كمبيوتر خربان :d
يازين من مصع له شنبه هالي متعدي خدوده بعد ! والله ياعليه شنب يا عيال ، حتى انه من طوله حاط نص الشنب بمخابيته :d


حبايب قلبي
الله لايصيبكم بمكروه وبالي تحبون ، والي يحصله مكروه فالشكوى لله عاد >> يقاله قال شي الحين :d تصبحون على خير !

[ابوعليان]

شوف اخوي خذ العلم من عندي غير حساس فلتر الهواء يمكن دخل فيه مويه وشيك على ضغط الدينموا وان شاء الله يرجع زي اول واحسن

يتربى بعزك

[GameOver]

يعني طلعت المشكلة من البطارية
وايش نوع البطارية اللي خذيتها

[R32 HPA]

أخوي عندك ثلاث احتمالات
الأول مادام أنت تقول تشتغل وتمشي بعدين تطفي او تنتع فهذا احتمال دخل قطرات ماء عن طريق الفلتر وبالتالي خلط زيت مع مويه
والثاني كمبيوتر السيارة احتمال جاه عليه مويه وشيك عليه ويمديك تفكه وتنشفه واحتمال يضبط واحتمال لا لأنه حساس
والثالث الحساسات والأشياء الكهربائية

أنا عمي سارت معاه وعنده سيفيك 99 والمويه دخلت جوا السيارة وسبناها يوم وجينا نشغل ما اشتغلت وطلع الكمبيوتر دخل فيه مويه وانحرق وطلع مكانه داخل السيارة جنب السواق ومافي أمل وغيره
أتمنى لك التوفيق والسداد

[[ أبو سلمان ]]

أهلين ..

شوف اخوي خذ العلم من عندي غير حساس فلتر الهواء يمكن دخل فيه مويه وشيك على ضغط الدينموا وان شاء الله يرجع زي اول واحسن

الله يعطيك العافيه حبيب قلبي !
الآن السياره مشتغله وماعليها خلاف ، لكن لمبة المكينة مشتغله عندي على الطبلون !

يعني طلعت المشكلة من البطارية

وايش نوع البطارية اللي خذيتها

بالظبط ..

اخذت لي آي سي دلكو
اعتقد انه افضل البطاريات !

والثاني كمبيوتر السيارة احتمال جاه عليه مويه وشيك عليه ويمديك تفكه وتنشفه واحتمال يضبط واحتمال لا لأنه حساس

والثالث الحساسات والأشياء الكهربائية

الله يعطيك العافيه ..

ماعندك خلفيه عن لمبة المكينة اذا اشتغلت بالطبلون ؟

[R32 HPA]

لمبة المكينة
معناها في شيء في المكينة وتوابعها ممكن زي ماقتلك خلطت مويه وزيت
وممكن يكون في حساسات المكينة

[ولد هوندا]

ملالالالالالالالالالالالالالالالالالالالاحظه مهمه
(افصل اصباع البطاريه)
(افصل اصباع البطاريه)
(افصل اصباع البطاريه)
الحل؟؟؟؟؟؟؟؟
(افصل اصباع البطاريه)
اخلع الفرشه اللي على يمين السائق حتلاقي الكمبيوتر فالاسفل_
افصل افياش الكهرباء عنه
حتلاقي مسمارين صغيره فكها بمفتاح عشره
وطلع الكمبيوتر برا
حتلاقي اربع مسامير صغيره انزع الغطاء ونفخه باهواء وعرظه للشمس
وارجع ركبه ثاني مره وانشاء تالله تنحل المشكه
(اهم حاجه وقبل تقدم على اي خطوه افصل اصباع البطاريه حتى لاتتسبب فاي خلل فنظام السياره لانها حساسه)
الحل الاخير؟؟؟؟؟؟؟؟؟
ان لااحظت ان المبه حقت المفتاح جالسه تأشر وماتطفي اثناء ماتفتح السوتش اكيدالمشكله فالكمبيوتر وتحتاج لتغيره هوا والسوتش ولازم توديها لاقرب فرع للصيانه لانها حتحتاج لبرمجه
وسيبك من كلام الناس اللي تقولك حساس الهواء الدينمو لان الدينمو لو كان حيتأثر بالمويه كان تعطل لما تغسل السياره عند المغاسل

[ولد هوندا]

ملالالالالالالالالالالالالالالالالالالالاحظه مهمه
(افصل اصباع البطاريه)
(افصل اصباع البطاريه)
(افصل اصباع البطاريه)
الحل؟؟؟؟؟؟؟؟
(افصل اصباع البطاريه)
اخلع الفرشه اللي على يمين السائق حتلاقي الكمبيوتر فالاسفل_
افصل افياش الكهرباء عنه
حتلاقي مسمارين صغيره فكها بمفتاح عشره
وطلع الكمبيوتر برا
حتلاقي اربع مسامير صغيره انزع الغطاء ونفخه باهواء وعرظه للشمس
وارجع ركبه ثاني مره وانشاء تالله تنحل المشكه
(اهم حاجه وقبل تقدم على اي خطوه افصل اصباع البطاريه حتى لاتتسبب فاي خلل فنظام السياره لانها حساسه)
الحل الاخير؟؟؟؟؟؟؟؟؟
ان لااحظت ان المبه حقت المفتاح جالسه تأشر وماتطفي اثناء ماتفتح السوتش اكيدالمشكله فالكمبيوتر وتحتاج لتغيره هوا والسوتش ولازم توديها لاقرب فرع للصيانه لانها حتحتاج لبرمجه
وسيبك من كلام الناس اللي تقولك حساس الهواء الدينمو لان الدينمو لو كان حيتأثر بالمويه كان تعطل لما تغسل السياره عند المغاسل[/quote]