اصحاب الخبرة نبي مساعدتكم رجة في اكورد2006

**SOHAR CIVIC** · 06-01-2009, 06:57 AM

السلام عليكم رحمة الله يا اخواني.

زميلي عنده اكورد موديل 2006 ويعاني من مشكلة بسيطة في سيارته
يعاني من رجة خفيفة تجي على السرعات 30 وتختفي وتجي الى السرعة 60 وتختفي وتجي على سرعة 80 وتختفي!!!!!!

الرجة تجي من جهة اليمين.
مع العلم بأن التواير جديدات من نوع بيردجستون الاصلية وما كملن 5 شهور.
والسيارة ما ضرب فيها في رصيف او اي شي ولا فيها اي حادث.

وداها الميكانيك ورفع السيارة فوق وما لاحظ اي عطل!!!
وقال احتمال يكون إكسل اللي يركب في الجير من جهة اليمين خربان.

وامس بدل الاكسل كامل من سيارة سكراب ومازالت نفس المشكلة ما تغير شي.

افيدونا يا اخوان السياره وضعها ما حلو كذاك.

**المباشر** · 06-01-2009, 07:43 AM

وعليكم السلام ورحمة الله وبركاتة

عزيزي الغالي في البداية لابد من التأكد من وضع الترصيص انا حاليآ بدلت الترصيص لأطاراتي قبل 10 أيام وللأسف السيارة صارت ترج اكثر من اول يعني لو مخلي ترصيص المصنع كان أفضل . على العموم انت شوف موضوع الترصيص قبل كل شي وحاول ترصصها من جديد هذا اذا تم تركيب ترصيص وقت تغيير الأطارات.

وللتأكد ودها محل ميزان أذرعة يجربون السيارة ويشوفونها من تحت بحسب خبرتهم بهالشغلات وان شاءالله يطلع لك المشكلة

والرجة طلعت من بعد تبديل الأطارات ولا توها ؟؟

**SOHAR CIVIC** · 06-01-2009, 07:55 AM

عزيزي المشكلة ظهرت قبل عن يركب الاطارات الجديدة.

وبعد تركيب الاطارات بيردجيستون الاصلية سوى لها ترصيص جديد بس المشكلة لا زالت موجودة!!!
ورفع السيارة لفوق وما شاف اي عطل.

والميكانيكي قال يمكن اكسل اللي يركب في الجير حهة اليمين خربان وبدله وبعدها المشكلة.

المشكلة ان السيارة ترج من جهة اليمين فقط!!!

وعلى السرعات 30 60-80!!!

ومرات الرجة تكون خفيفة ومرات على كبس السيارة تظن ان التاير بيتبطل!!!

نرجو الافادة السيارة وضعها ما حلو كذا...

**المباشر** · 06-01-2009, 08:06 AM

والله قد تكون برنقات ( رمان بلي ) أو العكوس للأسف ماأقدر افيدك الا اذا واحد من الأعضاء حصلت له نفس المشكلة أو توديها لمتخصص يطلع المشكلة

وحسب كلامك ماعتقد ان المشكلة من الكراسي . لكن مايمنع تفحصهم ( كراسي القير والمكينة )

**المباشر** · 06-01-2009, 08:10 AM

في حل ثاني وهو تقول لزميلك يوديها صيانة الوكالة يفحصونها ويطلعون المشكلة بالضبط وتاخذ التقرير وتصلحها بورشة شغلها ممتاز وتدفع للوكالة حق الفحص فقط . طبعآ اذا ماقدرت تعرف الخلل من وين

لكن اذا بتمشي على كلام الميكانيكية وكل واحد يقولكم عن مشكلة وتطلع بالأخير مو منها فراح تخسر مبالغ على الفاضي ومثل ماقلت لك ادفعها على فحص واحد بالوكالة واعرف المشكلة وصلحها خارج الوكالة

اتمنى اني افدتك يالغالي

**vtc.acoord** · 06-01-2009, 09:53 AM

والله ياخوك انا كانت عندي مششكله لما امشي تجيني رجه اخر شي اكتشفت انه عكس ....
وجتني حذفه واكتشفت انه مسـاعد طبعــا اذا انت من اهل الريـاض انصصحك تروح لـ ورشه اليروموك في الصناعيه القديمه في واحد مصري ينقآل له ابو احمد لاتصلح السياره عندهم بس خله يكشف على سياره قوله جايك من طرف الهوندآ الذهبيه ،، قوله مششكلتك وهويببي يقول لك روح للميزان خل يكشفون عليها هنـااك وعلى فكره انا امسس اكنت عندهم صلحت المساعد لـ ان السياره كانت فيها حذفه والله ماكنت متوقع ان الحذفه من المساعد الا لما صلحته ؟ ولما تعرف وش فيها اخذها لورشه تثق فيها وخله يصلح العطل الي قآل لك عليه ويستحسن انك تصلح عندهم علشـان اذا مازالت الرجه موجوده يشوف لك فيها حل وعندهم ضمان شهركامل

**SOHAR CIVIC** · 06-01-2009, 11:36 AM

المشاركة الأصلية كتبت بواسطة vtc.acoord

والله ياخوك انا كانت عندي مششكله لما امشي تجيني رجه اخر شي اكتشفت انه عكس ....
وجتني حذفه واكتشفت انه مسـاعد طبعــا اذا انت من اهل الريـاض انصصحك تروح لـ ورشه اليروموك في الصناعيه القديمه في واحد مصري ينقآل له ابو احمد لاتصلح السياره عندهم بس خله يكشف على سياره قوله جايك من طرف الهوندآ الذهبيه ،، قوله مششكلتك وهويببي يقول لك روح للميزان خل يكشفون عليها هنـااك وعلى فكره انا امسس اكنت عندهم صلحت المساعد لـ ان السياره كانت فيها حذفه والله ماكنت متوقع ان الحذفه من المساعد الا لما صلحته ؟ ولما تعرف وش فيها اخذها لورشه تثق فيها وخله يصلح العطل الي قآل لك عليه ويستحسن انك تصلح عندهم علشـان اذا مازالت الرجه موجوده يشوف لك فيها حل وعندهم ضمان شهركامل

هلا بك عزيزي_

ياليت بس توضح لي وش معنى كلمة ( عكس ) لاني من سلطنة عمان وهذي الكلمة غريبة عليي

..

وعسى بس نتوصل لهذا العطل

انتظر ردك يا عزيزي

**المباشر** · 06-01-2009, 02:05 PM

العكس طال عمرك العمود اللي طالع من القير بكس وماسك في الهوب

يجي عامودين طالعين من القير واحد يكون اطول من الثاني حسب موقع القير

صورة العكس

الصور منقولة كما هو واضح

**formal** · 07-01-2009, 01:49 AM

السلام عليكم
اخوي الكريم انا صارت عندي نفس المشكله ورحت بعد إستشارة الاخوان للميزان وقلي عندك عكوس داخليه وصلحتها ومشي معاي الوضع والحمد لله

**lonly style** · 07-01-2009, 05:48 AM

اخوي تقدر تشيك كراسي المكينه وتقدر تشيك الترصيص ..

طبعا رجة الترصيص تبين لانها تختفي عند السرعات العاليه ...

رجة كراسي المكينه ما تختفي بل تظهر وتزيد عند السرعات العاليه ؟؟

تقدر تشيك على الكرسي بنفسك لما تفتح الكبوت تشوف حديده تحت جنب المكينه شيكها ادا كانت تعبانه غيرها وادا تبغ تضمن وديها لميكانيكي

**SOHAR CIVIC** · 07-01-2009, 10:12 AM

المشاركة الأصلية كتبت بواسطة المباشر

العكس طال عمرك العمود اللي طالع من القير بكس وماسك في الهوب

يجي عامودين طالعين من القير واحد يكون اطول من الثاني حسب موقع القير

صورة العكس

الصور منقولة كما هو واضح

السلام عليكم اخي العزيز،،،

اشكرك على توضيحك ،،

بس حبيت اتأكد اكثر يعني وش ممكن يكون خربان في ( العكس )..

هل العكس نفسة والا ( الربل ) اللي في ( البراغي )_

واسمحلي على الاطالة
واشكر دخولك