كفرات برجيستون جابت لي الصداع .. وصوت الديكور جاب لي الهموم [ 2009 ]

**iMac** · 04-04-2009, 01:12 AM

السلام عليكم ورحمة الله وبركاته ..

أهلاً بكم أخواني ..

الله يخليكم .. أبي مشورتكم .. لأني تعبت نفسياً بصراحه

أنا شريت هوندا أكوورد سبيشل 2009 وماشيه معي 2150 كيلو إلى الآن .. لكن

ومن أول ماطلعتها من الوكاله وكفراتها جايبه لي الصداع " برجيستون " شد بلد

صوت المطب يجخر الراس .. والديكور يطلع صوت مع كل مطب .. فوق مكان الشاشه بالتحديـــــــد

وبصراحه ضايق صدري مررررررررررره من هالشي !!

ونزلت الهواء وخليته 18 ويوم رحت للكليه أول ما أمشي 120 تبداء تلعب الطاره .. لكن الصوت وقوة المطب راحات

لكن .. على طول زودة الهواء إلى 30 .. مب ناقص مشاكل

ومع الصوت اللي يطلع لي مع كل مطب .. صار يطلع صوت خفييييييييييف

إذا كنت أسوق اسمعه كأنه بديكور باب الراكب .. وإذا ركبت يمين أسمعه كأنه بديكور باب السواق .. شي يحير

ياجماعه جااااااااني أنواع الهموم .. تكفون قولو لي هل الوضع هذا طبيعي ولا لا

أروح للوكاله أشوف وش السالفه ولا مايحتاج !!

وإيش هي أفضل كفرات من ناحية الليونه <<< ماعندي مشكله أغير كل فتره .. بس أهم شي الديكور يبقى سليم
وللمعلوميه أنا منب راعي سفر

**B Useful** · 04-04-2009, 01:35 AM

غريب امرك ..

اهدا كفر هو برجستون تورنزا ..

من جد امرك غريب !!

طيب شف هالحلول ..
- شف احد من اخويائك معة نفس السيارة ونفس الكفرات وجرب!! هل الصوت نفسة ؟؟
- راجع الوكالة وخبرهم عن الازعاج الغريب !!
- راجع وكالة الكفرات (الطلائع) وخبرهم عن المشكلة ..
- خاصية البحث للمزيد من المعلومات ..

اصوات الديكور ... السيارة على الضمان ،، رح الوكالة وخبرهم ...

( وش نوع الماك اللي عندك ;) )

**م ج رد حلم** · 04-04-2009, 01:36 AM

اول مره ادري انه الاكورد تطلع من الوكاله بكفرات برجيستون

العااده ميشلان الا اذا انت ملخبط بين النوعين

عموما لو كاانت الاصوات عاليه وديها الوكاله احسن ولو اني اتوقع انها وسوسه

سيارة مامشيت 2500 يطلع فيها اصوات

فين عايشين

**عاشق بريده** · 04-04-2009, 09:31 AM

لا تستغربون يا جماعه

انا شريت اكورد 2008 اول ما طلعتها من الوكاله

كفراتها خربانه < محبله

تدرون ليش عشان السياره واقفه كثييير بالمينا والمستودع

مع العلم ان كفراتها برجستون

رجعت للوكاله قالو لي غيرها على حسابك الضمان ما يشمل الكفرات

رحت غيرتها ركبت دنلووووب وارتحت

راحه ليونه من دون اصوااات

انصحك غيرها وركب دنلووووب

ولا ترميها تراهم يشترون

**B Unique** · 04-04-2009, 09:44 AM

المشاركة الأصلية كتبت بواسطة كوكو كورد

غريب امرك ..

اهدا كفر هو برجستون تورنزا ..

من جد امرك غريب !!

الكفر الهادي اللي تقصده هو Turanza GR-80
والنوع اللي يجي مع الاكورد LX موديل 2009 على ما اعتقد Turanza ER30

وفيه فرق كبير بين النوعين !!

;)

**S.M.A.R.T** · 04-04-2009, 10:09 AM

انا مركب Turanza GR-80 وكأني اسوق لكزس ماشاء الله من الهدوء والليونه

**ماجستيك2009** · 04-04-2009, 10:53 AM

غريبه والله العادة اقول ماتمسك بالخط بس يطلع صوت بالطبلون وين عايشين اوريون على غفله ترى يوم تكلم انت كنت اقول يمكن يتكلم عن اوريون ترى الهوندا 2008 روعه مافيها اي شي الا اذا فيها عيوب مصنعيه رجعها للوكاله مثل ماقالو الاخوان ولا اذا وصلت الا 5000 الاف رح لهم وعلمهم المشكله يمكن فيه خطاء مصنعي وعلى البركه مقدما ...

**mazen7180** · 04-04-2009, 11:35 AM

السلام عليكم
اخوي انا عندي اكورد 2009 فل
ومن جد صوت الديكور جايب لي الهم
ماكأنك راكب سيارة جديدة وديتها الوكاله
وركب الموظف وجربها وماطلع الصوت
لانه مايطلع طول الوقت فترات واكثر شي
اذا كانت واقفة كثير بالشمس صح والا لا
اتمنى نلقى حل وسيارتي ماشيه 1200 كم

**المتقاعد** · 04-04-2009, 01:51 PM

والله نفس مشكلتي
المشكلة كلها من الكفر لانة تايلندي

**iMac** · 04-04-2009, 06:15 PM

الله يعطيكم ألف عافيه أخواني .. على ردودكم اللي تريح الواحد

أخوي عطر .. عندك بنشر !!

أخوي كوكو أكوورد ..
أشكرك من أعماق قلبي
بالفعل .. أنا ركبت مع واحد من خوياي معه 2008 وفيه نفس الصوت اللي فوق المسجل فقط .. لكن الصوت اللي تحسه يكون بديكور الأبواب ماهو موجود عنده

وتبي تستغرب إذا قلت لك إن القاعده حقت القير عن خويي تطلع صوت مززززززززززعك وينرفز كل اللي بالسياره لازم تضغط عليه .. كله من الكفرات الله لا يعيدها

وبالنسبه للماك اللي عندك . أبشرك كل Family Mac عندي .. إذا تبي شي خبرني تراه في اشياء مضيقه .. هههه

أخوي # كوكو #
صدقني ماني واهم ولا موسوس .. فيه صوووووووووت

أخوي عاشق بريده ..
أنا لو هي قديمه كان قلت من الميناء .. بس 2009 غريبه والله

أخوي B Unique ..
بجرب اللي تقول عليها

أخوي أمير الهنادي ..
الله يديم عليك ولا يحرمنا مثل ماعندك

أخوي ماجستيك ..
صدقني فيه صوووووووووت .. وبإذن الله بروح للوكاله بكرا

أخوي مازن ..
أنا قريت موضوع .. بصراحه شي محيرني
وفعلاً أول ما أشغل السياره بالنهار يطلع الصوت اللي فوق المسجل لو ماضربت مطب .. وأعتقد إنه شي عادي
لكن إذا ضربت مطب أو عيون قطط يجي ثاني .. جنون !!!!!!

أخوي المتقاعد ..
إذا هي على الكفر .. رميته بالزباله الله يكرمكم

**FANTASTIC MAN** · 04-04-2009, 06:59 PM

ههههههههههههههههه شباب صدقوني كل هالاصوات اوهام ووسوسه :d

بس لازم الواحد اذا صارت سيارته جديده لازم يتوهم انها تطلع اصوات والدليل ان اخوي i mac يقول انه اذا ركب مكان الراكب يسمع الصوت جاي من مكان السائق واذا ركب مكان السائق يسمع الصوت من مكان الراكب فهو يتوهم ان فيه صوت بس نصيحتي لك اذا ركبت السياره حاول انك تشغل نفسك بأي شي او ارفع صوت المسجل عشان ماتقعد توسوس ويجيك الهم وترى هذا شي طبيعي ولايهمك

بس لايكون سيارتك فيها جني يطلع هالاصوات ههههههههههههه >>>>>>>>>>>> يحب يوسوس :d

وبالنسبه للكفرات للحين ماحسيت بأي شي وماشيه معي تمام الحمدلله

تحياتي :d

**HMH007** · 04-04-2009, 08:42 PM

اخوي انا معاي هوندا اكورد2008 ماشي 25000 توي قبل يومين سرت اسمع نفس الأصوات الي انت تسمعها في الباب معاى العلم انو الكفرات من الوكالة برجستون والهواء عندي 30 كمان وانا اليوم كنت نوي انزل الموضوع في المنتدى ما ني عارف بس راح اروح للوكاله واسائلهاااااااا

**يامطنش** · 04-04-2009, 09:54 PM

لا تنسون التقلص والتمدد في الشتاء والصيف طبيعي تطلع الاصوات

وراح يجي الصيف وتشوف الفرق

**ثــلــج مــشــوي** · 04-04-2009, 10:18 PM

المشاركة الأصلية كتبت بواسطة B Unique

الكفر الهادي اللي تقصده هو Turanza GR-80
والنوع اللي يجي مع الاكورد LX موديل 2009 على ما اعتقد Turanza ER30

وفيه فرق كبير بين النوعين !!

;)[/center]

طيب وش الفرق

ووش الافضل

مع العلم اني توني مركب Turanza ER30 :d

وشكرا ;)

**نار** · 05-04-2009, 12:06 AM

بسم الله الرحمن الرحيم
اليلام عليكم شباب
انا معاي اكورد 2008 كانت كفراتها برجستون محبله وقاسيه اذا اخذت مطب كأنك في كرسيدا
بس غيرت الكفر الى تويو صراحه ممتاز من ناحية الليونه المطبات ماتحس بها مثل البرجستون ولكن عيبها الصوت

**B Unique** · 05-04-2009, 12:17 AM

المشاركة الأصلية كتبت بواسطة ثــلــج مــشــوي

طيب وش الفرق

ووش الافضل

مع العلم اني توني مركب turanza er30 :d

هذا الفرق طال عمرك :

المشاركة الأصلية كتبت بواسطة امير الهنادي

انا مركب turanza gr-80 وكأني اسوق لكزس ماشاء الله من الهدوء والليونه

**يحياتوووو** · 05-04-2009, 12:34 AM

ياأخوان من ناحية اصوات الباب سهل جدا

شوف قفل الباب الراكب او السواق الي ماسك بنفس البودي لف عليه شطرطون كهرباء لفتين لأنه يحصل تقلص
بالحديد كما قال اخونا يامطنش واذا ماراح الصوت اهديك اكوردي بلاش بس ابغى الزنون ههههههههه

**عبدالاله عبدالله** · 05-04-2009, 01:07 AM

أنا كان عندي أصوات مهوب صوت واحد بس الحمدلله سويتها كلها على الضمان

صوت ديكور القير

صوت لما تلف الدركسون لليسار

صوت الديكور الخلفي

**King** · 05-04-2009, 01:52 AM

المشاركة الأصلية كتبت بواسطة يحياتوووو

ياأخوان من ناحية اصوات الباب سهل جدا

شوف قفل الباب الراكب او السواق الي ماسك بنفس البودي لف عليه شطرطون كهرباء لفتين لأنه يحصل تقلص
بالحديد كما قال اخونا يامطنش واذا ماراح الصوت اهديك اكوردي بلاش بس ابغى الزنون ههههههههه

المشاركة الأصلية كتبت بواسطة عبدالاله عبدالله

أنا كان عندي أصوات مهوب صوت واحد بس الحمدلله سويتها كلها على الضمان

صوت ديكور القير

صوت لما تلف الدركسون لليسار

صوت الديكور الخلفي

أخواني الله يجزاكم خير

الموضوع عن كفرات وش دخل اصوات الديكور والأبواب

:d

" الرجاء عدم الخروج عن الموضوع "

**هنونتي** · 06-04-2009, 06:18 AM

انا مثلك اخوي

يوم طلعت حقتي قالي الموظف ترى هوى الكفرات يمكن تلقاه ناقص يمكن زايد

اوزنه على 31 او 30 سويت مثل ما قال ومن يوم طلعتها لي رحت اغير الزيت على فحص 5000 كيلو
كنت اسولف مع من اللي يغير الزيت ( سعودي ) قال اوزن الكفرات قلت اوزنها
يوم حط الميزان فيها قال يووووه ليش كذا بحطها لك 26 احسن قلت حطها
والله من يوم حطيتها 26 والاصوات خفت مع العلم ان الكفرات شد بلد برجستون

**FiRe || TeaR** · 06-04-2009, 09:16 AM

وسع صدرك يابن الحلال ..

اهم شئ هواء الكفر على 30 .. وان شاء الله موب حاصل معك الا الخير ..

وصوت الرجة اللي تقوله عاادية .. وهي عندي .. وتحمله الى ماتطق كفرات جديدة .. اذا حبلت كفراتك ركب كفرات Turanza GR-80 زي ماقالوا الشباب وريح بالك ..

الله يعين ~

**A U R I O N** · 06-04-2009, 01:57 PM

المشاركة الأصلية كتبت بواسطة ماجستيك2009

غريبه والله العادة اقول ماتمسك بالخط بس يطلع صوت بالطبلون وين عايشين اوريون على غفله ترى يوم تكلم انت كنت اقول يمكن يتكلم عن اوريون ترى الهوندا 2008 روعه مافيها اي شي الا اذا فيها عيوب مصنعيه رجعها للوكاله مثل ماقالو الاخوان ولا اذا وصلت الا 5000 الاف رح لهم وعلمهم المشكله يمكن فيه خطاء مصنعي وعلى البركه مقدما ...

حتى مشاكلكم دخلتوا الاوريون فيهاا ..!

الاوريون مافيها انواع المصايب اللي بالسياره ،،

و محسسني انك تتكلم عن بنتلي ،،

من جد ناس مقهورين من الاوريون

،
،

و بخصوص صاحب الموضوع الله يعينك اخووي

و الاصوات ع الضمان

**meshoo** · 06-04-2009, 02:40 PM

الله يهديكم بس

وطبعا كل شخص مسؤول عن كتابته هو، والموقع ليس مسؤولاً عما يكتبه الأعضاء

بختصار ردود الاعضاء تعبر عن شخصيتهم واتمنى البعض مايتجه لاسلوب التجريح والسخريه وخلونا في موضوع البرجيستون افضل

**FiReFiGhTeR** · 08-04-2009, 02:38 AM

انصحك بكفرات سوميتومو حرام اانها اكثر من ابداع و ياباني وسعرها في متناول اليد( كيف اللغة العربيه)

وانا عن نفسي شهريا من الظهران الى الرياض والحمد لله حتى عيون القط اخذها على سرعات عالية وما تطلع هذاك الصوت ورساوه وهدوء والله يوفق و على البركة السياره

**fouade** · 22-04-2009, 12:07 AM

والله يا أخي العزيز

نفس المشكلة عندي صوت المطبات قوية وصوت الشارع كانه وسط السيارة وكله من بريدجستون er 30 تبع الوكالة الفاشل مع أن سيارتي أكورد سبشل 2008

واليوم قررت تغير الكفر إلى TOYO Proxes TPT يقولون ناااعمة وبدون صوت

انا كفري سليم وماشي عليه 20000 كيلو

هل البناشر يشترونه ؟؟