(( قائمة الاعطال الميكانيكية والكهربائية للاكورد )) 2003 - 2007

**ثــلــج مــشــوي** · 15-02-2008, 10:21 PM

السلام عليكم ورحمه الله وبركاته

يالله ان تحيي محبي هوندا الموقرين

هذا الموضوع راح يتم فيه الاتي :

- اي عضو مرت عليه مشكله بسيارته سواء ميكانيكه اوكهربائيه....وصلحها

يحي هنا ويكتب العطل...والحل

سواء كان مصلحها بالوكاله,,,او برا الوكاله ...على الضمان ...او خارج الضمان

وبعد فتره وكتابه كثير من المشاكل والحلول,,, راح يكون لنا مرجع كامل انشالله

بالاعطال وحلولها

وعلشان نسلم من نصب بعض الورش...وتجارب بعض الورش على سياراتنا

وراح ابدا هذا بمثال بسيط :

السياره : هوندا اكورد

الموديل : 2007

المحرك : 4 سلندر

المشكله : رجة واصوات مزعجة في الفرامل

الحل : خرط الهويات وتغيير الفحمات

^^^^
هذا مثال وارجوا من جميع الاعضاء التقيد به

الي ماعنده مشكله لايكتب والله يخلي له موتره

ارجو عدم كتابه اي تعليق خارج الموضوع ...ّّ

لحد يكتب فكره ممتازهّّّ فكره سيئه

لكي يكون الموضوع منظم وما ينقلب سواليف...ّّ!!!

واكرر مره اخرى الرجاء لمن يكتب مشكله له ان يتقيد بالمثال

بالاعلى ليكون الموضوع منظم بشكل جيد...

والرجاء من مشرف القسم ...اي رد خارج الموضوع او مخالف

لنظام الموضوع ان يتم حذفه...ّّّّ

وياشباب اعذروني اذا قلت لحد يكتب خارج الموضوع او يعلق على الموضوع او يكتب بطريقه مخالفه لنظام الموضوع

كلنا عارفين ان الموضوع بينقلب سوالف

علشان كذا لازم ينظم الموضوع

ارجو منكم التفااعل ,,,

ولكم خالص تحياتي..,,,

دمــ تـــ م بـــ و د

ملاحظة مهمة :

القسم سابقآ كان يشمل جميع الموديلات وقد تم فصلها لتكون بترتيب أفضل

لذا يرجى من أصحاب الموديلات الجديدة من 2008+ المشاركة في الموضوع التالي

http://www.hondaarabia.com/club/t21108/

**The Stig** · 15-02-2008, 11:55 PM

السياره : هوندا اكورد

الموديل : 2006

المحرك : 4 سلندر

المشكله : رجه في الدركسون مع ضغط الفرامل .. وخاصه في السرعات العاليه

الحل : تغيير الهوبات ( البريك ديسك) على ضمان الوكاله ..
وانتبه لا يقولون خرط ويمشي الحال ..

وشكرا ... وانشالله اكون افدت شوي >>> ماعتقد

**هنادي والناس تنادي** · 16-02-2008, 12:17 AM

السياره: هوندا أكورد

الموديل: 2003

المحرك: 4 سلندر
المشكله: إذا كبست بالنور أو رصيت فرامل أو شغلت المسجل وانت تمشي يفصل الكهرب ويشبك في أقل من ثانيه
وتولع لمبت المكينه

الحل: تشيك على البطاريه وتشد اصباع البطاريه اكيد بتلقاه مرتخي
إذا ماصلحت شيك على الدينمو عند اقرب بنشري لازم يكون ضغطه 14 فولت او اقل بشوي إذا كان غير كذا معناها الدينمو فيه مشكله ,,,,
.
.
علشان تطفى لمبة المكينه فك اصابع البطاريه الاثنين مدة 5 دقايق ثم ركبها

**مجنون الاكورد** · 20-02-2008, 02:44 PM

السياره : اكورد

الموديل : 2007

المحرك : 4 سلندر

المشكلة : صوت (طرطره) عند تغير النمره

الحل : تغير الكرونه في الجربكس شي زي الرمن بلي

**أكورداوي** · 28-02-2008, 01:36 PM

السياره : أكورد

الموديل : 2005

المشكله : امبير البنزين يلعب ( مره فوق ومره تحت من عير ما أعبي بنزين ) <--- مشكله قدييييمه

الحل : وديتها الوكاله وقالوا قاعدة الطرمبه انكسرت وغيرتها بالوكاله ب20 ريال

**ثــلــج مــشــوي** · 28-02-2008, 01:44 PM

السياره : اكورد

الموديل: 2007

المحرك : 4 سلندر

المشكله : تهريب زيت

الحل : تغيير جلبه الصره (ياشباب الي خرب الجلبه البنشري يوم اغير زيت زاد عليها شوي وخربها انتبهوا...لاتروح لبنشري الا يكون فاهم...!...)

**ammml** · 01-03-2008, 12:49 PM

الســـياره : اكـــورد

الموديـــل : 2008

المحرك : 4 ســــــلندر فل كامل

المشكله :
1- صوت الهواء إذا مشيت فوق 120 من الخلف
2- تسمع صوت البنزين في النانكي إذا غيرت نمرة او رفعت رجلك عن البنزين ثم الفرامل ( تدبل )

الحــل : اعرف واحد في الوكالة وقال لي حل للمشكلتين هاذي
1- طبيعي تسمع صوت الهواء بس في الحقيقة ماتحس ان فيه هواء جوا السيارة
2- التانكي حق البنزين في الاكورد 2007 ونازل كان على اليمين والحين 2008 صار في النص تحت المراتب اللي ورى
وشكراً

**B free** · 30-03-2008, 09:17 PM

السياره : هوندا اكورد

الموديل : 2006

المحرك : 4 سلندر

المشكله : رجفه السيارة وانا واقف عند الاشاره او في اي مكان اهم شي اني واقف والضغط في نص

الحل : تغيير كراسي المكينه ع الضمان

وشكراً

**LikE.nO.oThER** · 13-04-2008, 10:25 PM

السيااره اكورد 2007
المشكله : صوت بالقماشات او البريكات الاماميه .. صوت طق طق
يطلع الصوت عند الضغط على البريك
الحل : رووح للوكاله وتهاوش معاهم

امزح ... روح للوكااله وقولهم يتأكدو انه مافيش فراغ بين الفحمه والكليبر
الكليبر هو الي يمسك الفحمه ...
هذا مايضر كما قريت بأحد المواضيع ... ولكن الصوت الي يطلع يمرض ...
تحيااتي

**ولد النمر** · 13-04-2008, 10:57 PM

السياره : اكورد 2007
المشكله :صوت طقه بعد التبديل بين R N D N ومع البريك

الحل: رح للوكاله قول لهم ينظفون لك البريكا ويشدون عليهم فقط ...

**LikE.nO.oThER** · 18-04-2008, 07:39 AM

السياره اكورد 2008
حراااره مو طبيعه بالهوب والفحامات
الحل : تأكد انه مافي شي لااازق على الهوب من تحت
وارفها وشووف من تحت
او تكون الفحامات لازقه بالهوب !!!
رح للوكاله وبدلهم القطعه التمسك الفحامات وتربها بالهوب ...
تحيااتي

**أكورد 2006** · 18-04-2008, 10:00 PM

السياره : اكورد

الموديل : 2006

المحرك : 4 سلندر

المشكله : بعض الأبواب لا تعمل بالريموت

الحل : إذا كانت على الضمان وقت خرابها حلو لك
تغيره لك الوكالة الدفاش اللي على الباب (( سعره اذا كانت مو على الضمان الواحد بـ 250 وفيها ))
ــــــــــــ
المشكلة : نوافذ التكييف من جهة الراكب تخرج هواء بدون فريون ومن جهة السائق هواء بالفريون
(( يعني تشغل المكيف عادي تتعامل معه لكن الفتحتين اللي من جهة الراكب لا تستجيب بس تطلع هواء بدون فريون ))
ملاحظة : هذي حصلت في هوندا 2003 سبشل (( مش الفل ))
الحل : توديها للوكالة او اي محل تبريد سيارات ..
يفك الثلاجة (( مكانها وراء درج القفازين ))
فيه شي يكون معلق يفكه ( طبعا لازم يضيع عليك الفريون وتعبيه من جديد )

**first** · 19-04-2008, 01:49 AM

السياره: اكورد 2007

المشكله: صوت في الزجاج سواء اثناء الطلوع او النزول

الحل: تغير المكينه الزجاج مع الجلود ( الحمد الله كانت على الضمان )

**toOowWwt** · 10-05-2008, 10:33 AM

السيارة : اكورد 2007
المشكله:صوت عند المطبات او اي حركه في الكفرات الخلفيه صوت كأنك في ونيت(زقيق)

الحل: روح للوكاله يزيتوا الجِلَد ويختفي الصوت

المشكله الثانيه:صوت يطلع كأنك في طياره, مع دعست البانزين ((صوت غير صوت الكفرات ))
من السرعة 40 الى حدود ال80

الحل: روح للوكالة يغيرو قطعه في القير على الضمان.

**HonDa 2o0o** · 10-05-2008, 11:30 PM

السياره : هوندا اكورد

الموديل : 2000

المحرك : 4 سلندر

المشكله : ارتفاع الحرارة وكل مرة اعبي الراديتر مويه بعد اربع ايام تنقص الموية وترتفع الحرارة

الحل : لي فيه تهريب وتم تغييره >> مكانه ورى البخاخات ( لي صغير )

.

**بدوري** · 16-07-2008, 05:12 AM

السياره : اكورد
الموديل : 2007
المحرك : 4 سلندر
المشكله : صوت في الدركسون مع اللف يمين و يسار ويكون في بداية اللفه
الحل : توديها الوكاااله يغيرولك عمود الدركسون على حسب على الضمان

اوعلى حسابك

**المخلب** · 16-07-2008, 03:04 PM

.

السياره : اكورد

الموديل : 2006

المحرك : 4 سلندر

المشكله : ضعف دفع هواء المكيف .

الحل : نظف فلتر المكيف ( منقي الهواء ) ولتفاصيل الحل راجع موضوع :

كيفية تغيير \ تركيب منقي الهواء للمكيف ..

.

**المـــــلكـ اكـــــورد** · 16-07-2008, 03:40 PM

السيارة :اكورد
الموديل :2006
المشكلة :رجة في الطاره ومراوغه في السياره على سرعة 120كم/س
الحلول :الرجة حله الترصيص الارضي لكن يجب التاكد من سلامة الاطارات والجنوط
اما المراوغة وزن اذرعة امامي وخلفي

معلومه :الرجة اللي في الطارة لاتخرج عن ثلاثة اسباب الكفرات الجنوط الترصيص
اما الرجة من اسفل السياره لها اسباب كثيره
كراسي القير والمكينه او العكوس يكون فيها فضاوة وتحتاج للتغير او التشحيم

اما اذا كان فيه صوت في احد الاطارات فالمشكلة تكون من الرمان

**الصقر الجارح** · 28-07-2008, 02:53 PM

السياره : هوندا اكورد
الموديل : 2008
المحرك : 6 سلندر فل

المشكلة: حدفه يمين ورجفه

الحل:

بعد محاولات عده فى ظبط الزواية وعمل ترصيص ومش عارف ايه وعمل كل اللازم لما تنجح ولم تظبط السيارة
لحين تغير التواير الاربعة وتركيب تواير جديد وظبطة والحمد لله

سعر التاير الواحد فى الوكالة 120 دينار كويتى كارثة طبعا ده اكرر سعر التاير الواحد وليس الاربعة

طبعا السيارة على الكفالة يعنى ما دفعت فلوس بس لما عطونى الفاتورة وشفت السعر بطنى وجعتنى جدا
وقلت يعنى بعد ما تخلص الكفالة انا حغير تواير ب 500 دينار كويتى

يعنى حولى 1000 الف جنية مصرى

ثمن سيارة جديدة فى مصر هههههههههههههههه

**المتمرد** · 18-08-2008, 07:25 AM

بالحقيقة عندي تاريخ حافل مع الهوندا

نبدأ
أكورد 1998

المشكلة : السيارة فجأة تطفي عند ال120 كياو! وتشتغل باقل من ثانية..
الحل: فيه خلل مصنعي لكيبلات التشغيل وتغيرت عام 2000 بالوكالة ومجانآ

المشكلة: حرارة وتنقيط موية رديتر. (عام 2001)
الحل: تم تغيير الديتر بواحد تجاري

وكانت جودته عالية جدآ وبسعر 500 ريال + 100 ريال شغل يد

المشكلة: الانوار والاشارات اليسرى دائمآ تحترق بدون سبب
الحل: غيرتهم مرتين واخيرآ وضعت لمبات للفورد غراند مركيز (نفس الفيشة) وضبط

اكورد 2002 سبشل

المشكلة: سوء تبريد في المكيف ويدوبك يبرد
الحل: تنظيف فلتر المكيف وتنظيف ثلاجة المكيف

المشكلة: رجة في الطبلون عند الوقوف او تغير الغير قبل تحرك السيارة
الحل: كراسي المكينة تتغير ولا احد يفكر يركب تجاري لان الرجة تخف بس ما بتروح

**ad_jafree** · 21-08-2008, 05:53 AM

باذن الله بكتبلكم بعض من صولاتي وجولاتي مع الهنادي في الصناعية

نوع السيارة :اكورد
الموديل :2001

المشكلة1:رجة في السيارة وهي واقفه على الn
الحل :تغير كراسي المكينة

المشكلة 2: تهريب زيت الدركسون من تحت السيارة
الحل : تغير اصلاح دودة وعلما ان سبب الخراب هو وضع زيت الدركسون الاحمر وهذامضرا جدا لسيارة
والحمد لله بعدها صرت احط الزيت الاصلى للدركسون

المشكلة 3:كتمة في دعست البنزين (علما اني اغير فلتر الهواء كل 15000 اواذا بدا يتغير لونة من الاصفر والبواجي كل 6 شهور)
الحل 3: تغير منظم الهواء

المشكلة 4: حذفة (ميلان في الدركسون يمين او يسار ) عند المرور على حفرة او مطب صغيرون
الحل4: تغير المساعدات >>>والله يسير من سعر المساعدات

المشكلة 5: تصاعد بعض الابخرة >>>كيف الوصف بس <<من كبوت السيارة والسبب تشقق حول غطاء اللديتر (والمشكلة كان يوم عيد )
الحل 5: عيدت بالبيت وبعدها غير اللديتر لكثرة التشققات

وان شاء الله اكون افدتكم بشى والله يعطينا خيرهن ويكفينا شرهن

**CIVICORD** · 21-08-2008, 05:28 PM

السيارة : أكورد

الموديل : 2008

الماطور : 4 سلندر

المشكله : رجه عند ربط الفرامل على السرعات (160 فما فوق)

الحل : تغيير الهوبات الأمامية على الضمان ..

المشكله : صوت صفير في الكفرات الخلفية ... مبكر جدا -8000 كيلو وما حولها-

الحل : تغيير الفحمات الخلفية .. وحاولوا تخلونه على الضمان ...

**ن ل ا 382** · 01-09-2008, 01:36 AM

السيــاره : اكــــورد
الموديــل : 2007
المحـرك : 4سلندر سبشل
المشـكله : تطفى السياره وانا امشي مع الخط وتشتغل من حالها وغالبا اكون مسرع 190 الى 200
سبب المشكله : كهربا الاكــود ماتستحمل تكون انوار زينون وانا عندي النور الطويل والقصير والكشافات زينون ودايم تكون طفياتها بالليل بس واذا كان المكيف والمسجل شغاله عشان كذا ماتتحمل الكهرب وماحد قدر يحل هالمشكله الا واحد سعودي في صيانه هوندا بالصناعيه القديمه بالرياض
الـحــــل: تغيير واحد من الفيوز وتركيب بطاريه اكبر من حقه الوكاله اللي هي 50همبير ركبه البطاريه وغيرت الفيوز اللي احترق والى من يومها ماعاد طفت وانا امسك بها خطوط

**الهدهد** · 01-09-2008, 10:30 AM

السيارة اكورد
الموديل 2008 اسبيشل
المحرك 4 سلندر
المشكلة:
1- صوت طقة عند الكفر الايمن الخلفي عندما اضغط علي الفرامل وبعدها بسرعةبطيئة
الحل: تم اصلاح الخلل بالوكالة وافادوا ان المشكلة في قماش الفرامل
2- صوت من شنطة السيارة يشبة طقطقة البلاستيك
الحل: تم اصلاح الخلل بالوكالة وافادوا ان المشكلة بالديكور..

**ابو سعود** · 12-11-2008, 12:40 PM

السياره :هوندا اكورد

الموديل 2008

النوع Lx-3.5
المشكله : الولاعه ما تشتغل ولا تمسك بمحلها

الحل :تشيك على الفيوزات

بس الا الحين ما تمسك

لقد عدنا يا أصدقاء

تصميم جديد أنيق, دمج الحسابات بالفيسبوك, خاصية الشكر تعود أخيراً, والمزيد...

الموضوع: (( قائمة الاعطال الميكانيكية والكهربائية للاكورد )) 2003 - 2007

أدوات الموضوع

عرض