الموضوع: قفل جنوط الأكورد .. سعر مبالغ فيه

تلاي في السوق ارخص بس ابحث في محلات

خلها تنسرق جنوطكـ, وبعدها بتقول ليش الجنوط سعرها غاليه .,.

رح اشتره بس راس ماله 200 ريال

وعليكم السلام ورحمة الله وبركاته ..

أخوي أنا أشوف أن السعر مناسب .. تدري ليه ؟ ... لعدة أسباب :
1- سعر القفل التجاري يتراوح على حسب صناعته بين 30-70 ريال .. وأنا مجرب نوعية وأعرف واحد مجرب نوعية ثانية .. وكلها سيئة .. بعد مدة من التركيب تبدأ تصدي ... وكثر الفك والتركيب يبوز المفتاح حقها فـ تضطر تروح تشتري طقم جديد علشان المفتاح بس والسالفة تطلع عليك رادّي.
2- تدفع 200 ريال مرة وحدة .. وتآمن على جنوط وكفرات قيمتها لا تقل عن 4000 ريال ... تسوى وللا ما تسوى ؟ .. أنا أشوفها تسوى ونص.

الخلاصة .. ابعد عن التجاري تراه يخدعك بسعره .. وصدقني تدفع 200 ريال لمرة وحدة أفضل ما تصحى يوم من الايام وتلاقي الموتر على طابوق ..

بالتوفيق ..

انا اول ماطلعت السياره كنت نويت اشتريها وقالولي ب180 ودفعت عربون وعلى اساس انها توصل في 10 ايام الى اسبوع
وقعدت معاهم في 3 شهور وانا اجري وراهم ولا جابولي شي وبعدها بفتره رحت ابي استرجع العربون قالولي موجوده اذا تبيها
طيب وينكم من اول دام موجوده ليش ماتصلتوا تبلغوني
المهم سحبت عليهم واخذت فلوسي وقلت الله يستر

واذا كنت ناوي عليها الله يعينك تصبر عليهم لين يجيبونها

بغيت اشترياها لاكن قالي واحد من الشباب ماهي مانع من السرقة اكثر من انها عايق فقط

بمعنى اصح لو نوى يسرق الجنوط ماراح تمنعه الاقفال

والشكوى الله والله يكفينا شر عيال الحرام


ولوتبي تشنريها سعرها يعني مو ها الدرجه غالي يعني للجنط الواحد 50 ريال يعني حسبتها بينها على قولتهم

تحياتي لكـ

المشاركة الأصلية كتبت بواسطة d7ooom2009

بغيت اشترياها لاكن قالي واحد من الشباب ماهي مانع من السرقة اكثر من انها عايق فقط

بمعنى اصح لو نوى يسرق الجنوط ماراح تمنعه الاقفال

والشكوى الله والله يكفينا شر عيال الحرام


ولوتبي تشنريها سعرها يعني مو ها الدرجه غالي يعني للجنط الواحد 50 ريال يعني حسبتها بينها على قولتهم

تحياتي لكـ

لو انك ماخذ التجاري اللي من السوق اقولك اوكى يمكن ماتكون مانع للسرقه ولكن راح تعطله كثيير وتتعبه لين يفكها

فشي طبيعي اذا نوى عليها وشاف انك مركب اقفال يهون عنها يروح يدور له سياره ثانيه اسهل له وعشان لايطول عندها وينصاد

ولكن الاصليه اللي من الشركه ماعتقد انه يقدر يفكها راح تكون جدا صعبه عليه
وغير كذا حتى لو مثلا السارق بيشتري قفل اصلي عشان يقدر يفكها اذا كانت موجوده على سيارتك مايقدر لانه كل قفل ومعاه مفتاحه وتختلف عن بعض
- في واحد من الشباب مركبها وحط سيارته في الصيانه اتصلوا عليه يسألونه وين مفتاح القفل لانهم مايقدرون يفتحونه ولا معاهم مفتاح لها

ممكن صور لأني ماأدري وشي
اسمع عنها ولا عمري شفتها

أخوي أشكرك على طرح الموضوع .........................

بالنسبة لقفول الوكالة أنا لي حوالي شهرين كل اسبوع امرهم يقول طلبناها بس مابعد جت السعر 200 ريال وفكرة القفل

حق الجنظ اللهم يتغير المفك يعني بأمكان السارق يجيب نفس المفك و ينتهي موضوع جنوطك لكن باقولك حل أنا بسويها

بالهوندا قبل كان عندي كامري شريتها جديدة وخفت على الجنوط تنسرق وشريت قفل ب 35 ريال للأربع كفرات طبعآ

بس ميزتها مفتاح ماهو مفك عجل مفتاح ولو ضاع المفتاح ما تقدر تفك الجنط إلا بدريل تخرمه وينفتح يعني الحرامية يردد

يالليل ماطولك بس عيبه شي واحد هو إللي خلاني ما أركبه بالاكورد إنه يطلع صوت مع المطبات يعني تسمع صوت قرقشه

مع المطبات ..فكرته صاموله أو بمعنى اخر بلوط تشد به الجنط مثله مثل بلوط الوكالة ويركب عليه حديدة لونهانيكل دائريه

وفيها دقمه تركب المفتاح و تضغطه وتطلع المفتاح وتصير الحديدة هذي تدور تلعب وماتنفك إلا بالمفتاح أو خرم بالدريل وما

شفت منه اي مشكله جلس على الجنوط حوالي 6 سنوات تقريبآ القطعة النيكل ماتغير لونها جدآ ممتاز وآمن من قفل الوكالة

بس عيبه مثل ماقلت صوت وانت تمشي بسيط بس قهر سيارة جديدة ويصدر منها اصوات لكن مالك إلا خشمك لوهو أعوج

باروح اشترية طبعآ من محلات الغرابي ولا تنسرق الجنوط وكالة بالمبلغ الفلاني ..................................

وفيه ملاحظة انا مار الوكالة قبل يومين وسألته قال ماجا وقال شف العليان عندهم قفول خذ وريح بالك وبينه وبين نفسه ريحنا

ملينا منك بس مارحت للعليان لأنه نصاب يدبل السعر أضعاف ومشكور مره أخرى

المشاركة الأصلية كتبت بواسطة المباشر

الأصلي مستحيل يجي نفس المفتاح وكل مفتاح له رقم يختلف

التجاري اللي هو ممكن ينفك لأن بعضهم يجي نفس النوع ونفس المفتاح

معلومة جديدة صراحة توني أدري عنها ومشكور على التوضيح ...أنا شفت قفل الوكالة هنا

بالمنتدى وتوقعت أنه مجرد مفتاح عجل فقط يعني لو عندي مفتاح عجل بأمكاني أفتح جنوط إذا

كانت من نفس النوع على كل حال مشكوووووووور والله كنت باصرف النظر عن قفل الوكالة

لكن اللحين بانشب لهم لي يجيبونه

سمع افضل حل انت من اهل الشرقيه طيب تعرف البحرين

زين اتصل على الوكيل هناك قبل ما تروح وشتري من عندهم انا عملت صيانه 10000 وشريت عصا من عندهم بسعر خيالي صراحه ما صدقت العصا تباع هنا 500 ريال

وفي الوكيل البحرين بسعر خيالي وبلاش بعد وغاليه اقول 210 ريال

ولا تنس تسأل عن الجنوط حق الاكورد 18 كم سعر الحبه
واذا عندهم بعد لمبات ال دي او لا

والله مشكورين يا شباب جميعا واحد ورى الثاني على تفاعلكم الطيب
انا الظاهر بروح العليان واذا ما حصلت عنده بروح محلات الزينه

اما انتوا يا شباب بيض الله وجيهكم ما قصرتوا وانصحكم بقفل الجنوط والله كاثرة السرقات عندنا الحق عمرك احسن

وبالنسبه للوكالة البحرين فكرت فيها لاكن من جد ما في وقت واذا بغيت تروع ربوع وخميس ثلاث ارباع السعوديين هناك وزحمة
وابشر بعزك لا رحت اشوف كم سعر الجنوط