طيب اللي اقدر افيدك فيه غير بنزينك من 91 الى 95 -> مجرد رأي
سلام عليكم
كيفك انشالله بألف خير ....
انا بصرراحة عندي مشكله عجزت ألفى لها حــل
كان عندي تقطيع بالسياره
ووديتها لورشة الجنووب وقالي كراسي المكينه والقير
وغيرتها كلها واخذت كراسي المكينه من النعماني
وكذلك القير
وغيرت البواجي بوقتها
وفلتر البنزين والهواء
وبعدها بفترة رجع التقطيع مره ثانيه
رحت غيرت بواجي مره ثانيه وغيرت فلتر الهواء
وسويت تنظيف للبخاخ بالمكينه الخاصه في التنظيف
وسويت تنظيف لمنظم الهواء اللي بين المكينه وبين فلتر الهواء ببخاخ أي سي ديلكوو
ولا راح التقطيع
بعدها بفتره
اذا صرت واقف ومشيت ودعست دعسه قويه ع البنزين الموتر يكتم شوووي وهمن يفز
واذا ثبت على الدعسه يبدا الموتر كنه احد يدوس ع البنزين ويشيل رجله
يعني يقطع ويحن وهو يمشي واذا مشى شوي وتعديت 90 يصفى ولا يصير فيه تقطيع
وديتها لورشه قالي غير الكويلات لان الكهرب ضعيف بالكويلات وفعلاً كانت الكويلات ضعيفه
وغيرت الكويلات كلها الاربع مع البواجي احتياط
والموتر تغير بشكل بسيط من ناحية الفزه يعطي أقوى من قبل
بس التقطيع وهو واقف على d ماتغير الا شي بسسسسسسسسسيط
بالنسبه للكتمه اللي تصير صارت قبل رجعت عقب ماغيرت كويلات
وكتمت مرره لحد ماطفت وهي وتمشي
ووقفت وشغلت الموتر واشتغل عادي ...
ودتها لورشه وقالي كراسي المكينه فيه المشكله قلت له الكراسي سليمه وش دخل الموتر يكتم ويطفى بالكراسي
وفحصت المكينه بـ 3 كمبيوترات وكلها تقول المكينه صااافيه 100%
ووديتها للوكاله وقالوا لي وقتها خل السياره عندنا 6 ايام عشان نعلمك وش المشكله وبصراحه 6 ايام كثيره عشان اعرف وش السبب
سيارتي اكورد 2006 4 سلندر
وماشي 194430 كم
طيب اللي اقدر افيدك فيه غير بنزينك من 91 الى 95 -> مجرد رأي
شيك على ( البطارية + الدينمو وفحمات الدينمو )
ونظف أصابع البطارية + أسلاك التأريض ( سلكين )
واحد قريب من البطارية
والثاني بجانب المكينة (يسار)
وشيك على الفيوز ( لازم تكون قوة الأمبير مثل شد البلد ) * لا تزيد الأمبير ولا تنقصه *
وشيك على الكتاوت
وركبها زين
وان شاء الله تنحل مشكلتك
--------------------------------
هل أنت مركب شي ياخذ كهرباء عالية ؟
مثلا : سستم صوت ؟ أو زينون بدون كتاوت ؟ أو شيء ياخذ كهرباء عالي !!
سؤال سريع لك اخوي
الحين لما تمشي بالسيارة وتزرررررر عليها تبدا تقطع معك ؟
اذا الجواب نعم اتوقع من منظم المكينه صارت معي قبل شهرين وغيرتها بمنظم تشليح بـ 300 ريال الجديد فوق الـ 2000 ريال
شوف الاشياء اللى قالوها لك الاخوان معضم التقطيع يكون منها
وانا رايي من تجربة لكن بسيارة ثانية شيك على طرمبة البنزين خليه يقيس ضغط الطرمبة
وتقريبا نسبة التشخيص 80% من واقع تجربه مثل حالتك و طلعت من الطرمبة والفلتر
وبلغنا وش يصير معك
الله يعينك
على نصب الورشات
كل شوي يقولون لك غيّر قطعة
الين ما يبقى شي ما غيرته
وبالأخير ممكن تكون المشكلة من شيء بسيط
الحل الوحيد عشان تطلع المشكلة افحصها بالوكالة فحص فقط , الفحص يكون بالكهرباء او بالميكانيكا عشا نحدد المشكلة
والأصلاح يكون بورشه تثق فيها او ورشة معروفه بالصناعية
http://www.hondaarabia.com/club/showthread.php?t=34191
:(
اتوقع طرمبة البنزين
السلام عليكم ورحمة لله
انا عندي نفس المشكله اذ خليت السيارة وقفه ثمن حطيته على d يتفتف وبعدين تطفي السيارة
مهندسين قالووو تبغى تصفية كهرب او تشيك على جميع الحساسات وناس قالو تصفيه بخاخات
وكل واحد يعطيك خيرات وبالاخيار انت الخسارنا بكل شي افحص بالوكاله احسن لك اذ قالو الخراب كذا اقرب ورشة وصلحه بسعر رخيص
أنا عندي نفس المشكلة باكورد 2003
كانت المشكلة اساسا بسبب كسر ببوكس فلتر الهواء وصار يدخل غبار على منظم الهواء
غيرت البواجي ونظفت رؤوس المكينة ونظفت البخاخات ونظفت منظم الهواء ببخاخ acdelco ولا نفع
لكن الميكانيكي قال لي انه لازم تغير المنظم وكان سعره ب 2000 ريال وبوكس فلتر الهواء ب 1200
الحين اسعارها رخصت صار المنظم ب حول 500 والبوكس حول 600
اليوم بغيرها وارد لكم خبر ان شاء الله
مواقع النشر (المفضلة)