الموضوع: ناوي اشتري اكورد

الفرق ماراح اطول عليك

الاكورد = يباني

الكامري = استرالي

وعيوب الكامري لاتعد ولا تحصى

اتمنى من الأخوة الباقين افادتك

اول شيء انا مالي اي مصلحه سواء تشتري اكورد او كامري

لاكن الاكورد تتفوق تقريباً في كل شيء
الرســـاوه
الامــــان
الجوده
القوه والتحمل
الفخـــامه
الهيبــه
وشكلهــا جميــل ويسمونهــا في اليابان بي ام اليابان لأنها مقتبسه من البي ام الفئه الخامسه الشكل القديم

وبصراحــه الكامري قل الطلب عليهــا كثير في السعوديه عندنـــا
لأنهــا ماعاد صار فيهــا شيء يشدكــ

وإذا مو عاجبتكــ الاكورد عندكــ خيارات كثيره مثلاً
المازدا 6
السوسو ( سوناتــا )
سوباروا ليجــاسي

ومبروكــ مقدمــا ً الاكــورد

هلا والله اخواني مشكورين علي الرد وو انا حاط خيارين ياكامري او اكورد بس اذا كنت باخذها اقل درجه اقدر احط لها اكسسورارات لنه بالكويت كله حق كامري و لاندكروزر بس مافي حق هونداا عندناا مو ماشي سوقهااا مثل الكامري يعني بسعر هوندا اكورد 2010من الوكاله اصفار مثل سعر كامري 2008 مستعمله فرق يمكن 50 دينار بس لا و الكامري تلقهاها ماشيه 30 الف يعني رافعين سعرهاا حيييييييييييييييييييييييييييييييل

ابعطيك رايي وانا اخوك

خلك على الاكورد اللي معك لانها توها جديده
انا الحين مشيت عليها 133 الف واربع سنوات معي وزي العسل


لكن اذا كنت ناوي مره انك تبيعها

اشتر اكورد لانها افضل من الكامري وبمراحل

الاكسسوارات تقدر تحط اللي تبي
جنوط او مساكات الابواب النيكل او الكشافات او زينون كل شي تقدر تسويه

لكن اذا ماكان عندكم بالكويت هالاكسسوارات والله مشكله

على العموم الاخوان هنا يبيعون كل شي لكن ماادري هل يشحنون برى السعوديه او لا

المهم اذا بغيت اي شي ماراح يقصرون معك

جراند ماركيز ولا كراون فاكتوريا
وادعي لي

شوف يالغلا أنا مثلك كنت محتآر بين الكآمري والاكورد
لاكن اللهم لك الحمد الله وفقني وشريت أكورد صدقني الاكورد مش أي سيآره
لاكن اذا الشوآرع عندكم تعبآنه فأنصحك بالكآمري...~
أتمنا قد أستفدة

انصحك بالاكورد يالغالي

انا لي قصة مع الكامري 2010 انا اول كان مع هوندا اكورد 2003 لظرووف معينه بعتها وشريت الكامري

انا شريت كامري 2010 قبل ثلاث شهور جديده
1- كرهت حياتي كلها ما فيها راحه
2- لا توجد رساويه
3- لا توجد فخامه الكامري ديكورها عادي جدا مثل الكامري 2003 احس راكب ددسن ما حسيت اني راكب 2010
4- لا توجد جودة والله استخدمها شهرين الفحمات صارت ترج مع الدركسون وهي جديده مليت منها
5- الكامري والله العظيم تنطط كأنك راكب هايلكس
6- صوت الهوا ذبحني والتنسيم

بعدها قررت ابيع الكامري مالها الا شهرين واشتري الكوكو حياتي وشريت هوندا اكورد سبيشل 2010

وربي حسيت بالفرق
1- بالراحه والثبات
2-بالأناقة والفخامة
3-العالم اذا شوفوك تحس انك ملك ماشاء الله والله خفت علي نفسي وسيارتي من الحسد
4-وسياره اقتصاديه وقويه ومتماسكه ماشاء الله تبارك الله
5- ابشرك من موديل 2008 وطالع قطع الغيار نزلت بشكل رهيب صارت منثل الكامري

والله مشكووووررين اخواني علي المعلومااات الحلوووه و القيمه انا ناوي اشتري اكورد بس باخذها اقل درجه وبركب فيهاا الاكسسوارات يعني اقدر اركب شاشه و تحكم بمسجلة السياره من سكان ؟؟؟؟؟
في محل بشرقيه او دمام و الخبر عنده اكسسورات حلووه؟؟؟

الأكووووورد ماتقارن بالكامري
في كل شي ...
بالتوفيق

مبروك مقدماً والله يعطيك خيرها ويكفيك شرها

والله والله والله

الاكورد عز

أنا لو أشتريت أكورد بحط عالقزاز الخلقي علم اليابان

وكتب وسط الدائرة

أصــــــــــــــــلــــــــي

ومبرووووك فيفا أكوووورد
بيييييييس

المشاركة الأصلية كتبت بواسطة shoot143

والله مشكووووررين اخواني علي المعلومااات الحلوووه و القيمه انا ناوي اشتري اكورد بس باخذها اقل درجه وبركب فيهاا الاكسسوارات يعني اقدر اركب شاشه و تحكم بمسجلة السياره من سكان ؟؟؟؟؟
في محل بشرقيه او دمام و الخبر عنده اكسسورات حلووه؟؟؟

الف مبروك مقدما

كل شي موجود عندنا بالسعوديه
فيه اعضاء هنا عندهم اكسسوارات للاكورد وهم من اهل الشرقيه بعد
اذا كنت ناوي بالاكسسوارات تعال هنا وبتحصلهم

الكورد طبعا بدون ما تلف وتدور

الاكورد افخم من الكامري من برى ومن جوا بمراااااحل

اما عن الاكسسورااات تقدر تركب عليها جميع الاكسسورااااات

نصحيتي لا تروح تشتري القطع من المحلات فيه إخواااان هنا جرب تتعاااامل معهما

عندك

اكورد

ياسوبارو

يازوم6

هدي الياباني

انصحك لاتطلع منهم

وبحكم تجربتي لهوندا اكورد 07 واعرف ناس معاهم اكورد 08 وطالع

محد تضايق منها بلعكس بس الي يعيبها الفحمات تخلص قوامن وتصفر

اكووووورد ولا مقاااارنة
ياخي والله بتدعي لنا
وانصحك بالاستخاره واللي يميل لها قلبك

الله يوفقك في السيارة اللي كاتبها الله لك

اول شيء استخير اخوي
ثانيا انا مثلك كنت افكر اش آخذ سيآره
اصلا الكامري ماحطيتها ببالي
لكن اخوي معليش ممكن تشوق الفرق بالسعر بين الأستاندر والسبيشل والفل
اذا ماعندكم ذاك الفرق اتمنى انك تفكر بالفل
وانا طبعا ارشحلك الأكورد
ولك تحيتي

أخوي أنا مجرب الكامري و الأكورد و الفرق

كبيــــــــــر جــــــــــــــــدآآآآآآآآآآآآآآآآآ

بما أنك بتشتري ستاندر أقل فئة

الأكورد فيها

1- مثبت ســـرعة

2- تحكم بالمسجل

3- نظام مانع إنزلاق ABS

4- نظام تعزيز الثبات VSA

5- نظام توزيع الفرامل EBD

هذي اشياء مهمه طبعـــــــــــــآ

الكـــــــــــــــــامري

لايـــــــــــــــــوجد ما تم ذكره أعلاه

شكل المقصورة من الداخل و إضائة الطبلون لصالح الأكورد أما الشكل الخارجي فهو أذواق متفاوته من وجهة نظري الأكورد أفضل

ولا ننسى أهم شي الرساوة وانت جربت الأكورد 2007 و الجيل الجديد ارسى بحكم أنها اثقل وبالنسبة لسعر مابعد البيع في السبابق

كانت الكامري مسيطرة والآن إختلف الوضع كليآ صارت الأكورد مرغوبة بقوة و بعدين أنا زرت الكويت قبل شهور وشفت أكوردات

منتشرة و مع بنات :d بعد وش خليت و أنصحك بالأكورد لأنها سيارة أكثر من رائعة وياباني تعني جودة التصنيع والدقة و المهارة

وهذا شي معروف منذ القدم

آسف جدآآآ على الإطالة

شوف اخوي اذا كانت سيارتك 2007 فل كامل
فما انصحك تبيعها وتشتري 2010 ستاندر!!

وخاصه ان الاكورد 2008 وانت طالع ثقيله شوي اذا كانت اربعه سلندر

انا من رأيي انك تنتظر ولا تستعجل بقرارك

منها تقدر تزيد فلوسك ان شاء الله وتاخذ 2011 سته سلندر :d