وعليكم السلام ورحمة الله وبركاته
أشكرك على هذا الموضوع الذي أعتقد أنه يشرح مشكلتك بإنصاف ودون ذم الوكيل أو الموظف ويبحث عن حل.
أنا أعتذر لك ماعندي أكورد لكن أتمنى من الشباب أن يساعدوك على حل المشكلة.
والله يجعلها أكبر المصائب ويهونها عليك .
السلام عليكم...
كيف حالكم يا شباب ؟
عندي مشورة الله يعافيكم...
عندي أكورد 2007 v6 ، السيارة ما شاء الله تبارك الله ما عليها كلام...
وديتها أمس تشييك (1000 كيلو) وكان عندي ملاحظة وحيدة وبسيطة...
لما ألف سكان السيارة من اليمين لليسار أسمع صوت طقة بالأسفل من جهة الذراع الأيسر...
يبدأ الصوت يطلع بعد ما أمشي بالسيارة لمدة دقيقة ويستمر كل من لفيت الطارة يمين ورجعتها يسار (في السرعات المنخفضة إلى 80 تقريبًا)...
المهم طلع معاي الموظف اللي في الاستقبال وشاف السيارة وقلت له الملاحظة...
شغل السيارة ، ولف السكان يمين ويسار ما طلع صوت ، قلت له : الصوت يطلع بعد ما تمشي بشوي ، قال لي : خلاص راح نشيك لك الصوت وإذا فيه شي بنصلحه .
كلموني اليوم ورحت واستلمت السيارة ، يوم لفيت مع باب الصيانة وأنا طالع سمعت الصوت...
وقفت سيارتي وخليتها شغالة ، ورحت ناديت الموظف من داخل وقلت له : تعال اسمع الصوت اللي قلت لك .
طلع معاي وقام يحرك السكان يمين ويسار وسمع الصوت...
قال لي : هذا الصوت ؟ قلت له : إيه . قال لي : لا هذا طبيعي !!
طبعًا أنا ما اقتنعت من كلامه ، ولما لاحظ إني مو مقتنع ، قال لي : إذا تبغى سمعتك صوت أكوردات ثانية فيها نفس الصوت !
وأنا لا زلت غير مقتنع ، لأسباب :
الأول : إني قبل ما أشتري السيارة عرفت جميع مشاكلها من منتداكم المتميز ، وكانت مشاكل عادية جدًا مقارنةً بباقي السيارات ، وعمري ما قرأت لأحد منكم يشتكي من صوت في الذراع الأيسر .
الثاني : إن الصوت جدًا مزعج وما أظن هوندا تغفل عنه ! بصراحة صعبة !
الثالث : إني أعرف بعض الشباب اللي عندهم أكوردات وما أذكر إني سمعت هالمشكلة !
* المشورة اللي أبغاها ولا عليكم أمر :
هل الصوت طبيعي فعلاً ؟ وش تتوقعون منه ؟ وأتمنى الإجابة خاصةً من اللي عندهم 2007 أو 2006 أو حتى موديلات أقل .
ش تنصحوني أسوي ؟ أنتظر لصيانة 5000 وأسوي لهم سالفة ؟
ش رايكم ؟
أفيدوني الله يعافيكم .
التعديل الأخير تم بواسطة الغصن ; 04-09-2007 الساعة 10:44 PM
وعليكم السلام ورحمة الله وبركاته
أشكرك على هذا الموضوع الذي أعتقد أنه يشرح مشكلتك بإنصاف ودون ذم الوكيل أو الموظف ويبحث عن حل.
أنا أعتذر لك ماعندي أكورد لكن أتمنى من الشباب أن يساعدوك على حل المشكلة.
والله يجعلها أكبر المصائب ويهونها عليك .
اخوي انا نفس الصوت يطلع وهو عبارة عن تشيك اوتوماتيكي لنظام الفرامل
عادي لا تخاف انا وسوست وطلع طبيعي
واحيانا يطلع عندما تعشق السياره
لا تخاف امر طبيعي
الأخ الفاضل Honda
السلام عليكم ورحمة الله...
يشرفني أن جاءت الإشادة من إدارة هذا المنتدى المتميز بـ (أخلاق) أعضاءه ومشرفيه قبل تميز مواضيعه ، وأشكر لك هذه الإطلالة الجميلة ، والدعاء الصادق ، وأسأل الله أن يجزيك بمثل ما دعوت وأكثر .
تقبل تحياتي...
الأخ فهد الشمري...
السلام عليكم ورحمة الله...
أخي الحبيب الصوت الذي أعنيه مختلف...
الصوت خاص ب مقود السيارة (السكان) ويظهر حينما أدير المقود من اليمين لليسار ، أسمع صوت (طقة) في الجهة اليسرى من الذراع بالأسفل...
صوت الفرامل عندي خبر عنه ، والحمد لله لا يشكل عندي أي هاجس...
تحياتي لك
حبيبي...الغصن انا معاي2007 4سلندر...
ماعندي المشكله هذي..
لكن نصيحتي لك سوي سالفه بالوكاله ...
الى مايشوفون لك حل...
ولا تسكت عليهم...
انشبلهم بحلوقهم...
اخوي اذا انت بالرياض ودها لفرع الخالديه
اقل زحمه من فرع خريص و افضل شغل و اكثر اهتمام بملاحظات الزبون
الأخ / و ى ل السعودية 558
السلام عليكم ورحمة الله...
الله يجزاك خير...
شكلي بـ أنشب لهم ، لأن الصوت ما أظنه طبيعي .
شكرًا على مرورك...
الأخ المشرف accord 06
السلام عليكم ورحمة الله...
ما لك لوا طال عمرك...
ماني من الرياض...
بل من سكان مدينة الخبر بالمنطقة الشرقية .
شاكر ومقدر لك...
والله أخي الغصــن أنــا بعـد أسمــع الصــوت لكــن قالي الموظف اللي بالصياانــة هــذا طبيعي وكل الأكووورررد فيهااا الصوت هــذا والموظف هــذا يشتغل بصيااانــة هونــدا اللي بالدمــام على طريق الكباااري اللي يوديك للخبــرررر ..
تحيــــاتــــي لـك...
اخوي مبرووك السياره
الله يعطيك خيرها ويكفيك شرها
والصوت هذا طبيعي صدقني ولا توسوس
أخوي إذا كان هوا نفس الصوت الي لمن تحط على الريوس وبعدين تضغط فرامل يجيك هادا مافيه أي شي عااادي مررره
الصوت غير طبيعي البته...
مو معقول كل الأكوردات كذا...
أنا مافيها كذا وأنا 24ساعه دوران...
صدقني فيها شي...
روح الخالديه الآن
عمووووور وأكورد 999
الصوت غير طبيعي..
أنتم مافهمتوا أيش يقصد..
صوت تشييك الفراملa B S يشتغل أول ماتمشي وعلى سرعة 10كلم..
أما الرجال الصوت عنده إذا لف الدركسون..
لا تسكت عن السالفه الصوت مو طبيعي ومن حقك تطلع ريحتهم حتى يصلحونه لك..
والله يا اخوي الغصن انا مثلك بالضبط...
انا معي اكور 2007 V6 والصوت الي عندك عندي من قبل 10000 بشوي
رحت لصيانة العشره وعلمتهم...وقالو بنصلحها...اخذتها منهم زي ما دخلتها والصوت لازال مستمر... رحت لصيانة العشرين والصوت كان مزعج حتى دخلتها 18652 كم من الخوف وشرحت شرح مفصل والمهندس سمع الصوت وقالي هذي من الاذرعه وبتتغير على الضمان طلعتها منهم الصوت كان موجود بس كان ضعيف... جلست اسبوعين ورجع زي ماكان...قررت اني افحصها عند مكانيكي قبل لا اوديها عشان ما يتفلسفون على وقالى هذه من الدوده فيها فضاوه..ورحت لمكانيكي ثاني ونفس الكلام...توجهت للوكاله وكلى ثقه بانهاء المشكله...كلمت المهندس وقلته كلام الميكانيكيين..قال راح نسوي لك تربيط عام اول وبعدين اذا ماراح الصوت نبدا نغير القطع التالفه...يوم استلمتها الصوت ما كان موجود وهم ماغيروا شي قال المهندس بس تربيط وكان فيه برغي مرتخي في الجهة اليمنى من السياره وشديناه..مع الوقت الصوت مصار يطلع كثير الا نادرا....لكن لازلت غير مقتنع بما فعلته الوكاله... ويا انا يا هم معاهم لما ينتهي الضمان.....
للمعلوميه : انا رحت سويت ترصيص كفرات عند القحطاني وكأن الصوت فرق علي للأحسن..أو انا موسوس..ما ادري
التعديل الأخير تم بواسطة faisal_606 ; 05-09-2007 الساعة 12:56 PM
أخوي جوفينتوس
أنا عندي مايطلع الصوت كدا
يطلع لمن أرجع للخلف بعدين أضغط فرامل بقوه أسمع طقتين وحده في اليمين ووحده في اليسار بس عاااادي مافيها إي شي
يعني مو شرط أول ماتمشي السياره
هلا اخوي انا معاي اكورد 2007
4 سلندر واذا كنت تقصد الصوت الي يطلع اذا دقيت اشارة ولفيت فهاذا عندي واتوقعه عادي
ولا ردولي ياشباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
انا نفس اخوي اكورداوي 999
انا اذا لفيت الدركسون يطلع صوت طقه واذا حطيت الريوس يطق بس ماادري هل اذا جيت اغير نمره من ان الى دي ارفع الي في القير
ياأخوان كيف حالكم ،،،
اول شي اخوي الغصن ترى الصوت الي يطلع عندك غير طبيعي وماضروري يطلع بكل الاكوردات يطلع الصوت في بعضها وبعضها لا المعنى من هذا ان في خطأ مصنعي بلسيارات الي يطلع فيها الصوت خلك وراهم للوكاله لين يضبط عندك الوضع زين ياخوي وانا كذا اقدر افيدك ولا تسكت على حقك ... مبروك عيك السياره وتستاهل كل خير ..
الصوت هذا الي تقول عنه احب اقولك انه مايطلع عندي ولا صوت abs ولله الحمد
بس موديل سيارتي 2005 وانصحك انك ما تتهاون انشبلهم لين تضبط معك.
اولا مبروك السيارة
وثانيا الصوت تقول اذا لفيت الدركسون يعني موب طبيعي
صدقني انشب للوكاله لو توصل للمسؤول
الصوت الي يقصدونه الشباب صوت طقه القير وهذا طبيعي
صحيح صحييح
انا يجيني صوت بس بدون ما الف الدركسون
ما ادري يمكن اللي عندك غير بس انصحك شيك الاذرعه والرمان بلي (( ما ادري الظاهر ذا اسمه ))>> العكووووووس >> تأكد منها لان كل يوم تاخير يزيد عندك المشكله
وانشالله تلقى الحل باسرع وقت ممكن
ولك مني تحياتي
مواقع النشر (المفضلة)