رد مع اقتباسبالتوفيق
بس شاشة المكيف تطلع بنفس الشاشه اللي فوق
بسم الله الرحمن الرحيم
أسعد الله صباحكم / مسائكم بكل خير ومسره
فيه أحد الأعضاء طلب شاشة للأكورد بحيث إنه يستغني عن شاشة الوكاله
وقمت بالرد عليه في الموضوع الذي قام بطرحه وهو بعنوان
وقد قام بالإتصال بي ووعدته بأن أنزل له كم صوره للشاشه
بصراحه الشاشه ماشاء الله تبارك الله
أنا كذا مره سافرت في النهار وفي عز الظهريه وأشغلها والله ماشاء الله تبارك الله
شي ممتاز بصراحه
نجي للصور شوي
طبعا الصوره الأولى تبين لكم شاشة الوكاله مفكوكه وأنا حاطها في كرتون الشاشه
اللي مركبها البديله وقد قمت بالإستغناء عنها نهائياً وأيضاً الكرتون اللي تحت الشاشه
هو كرتون الشاشه اللي مركبها ومبين فيها إسم الشاشه أو الشركه المصنعه
وهذي صوره لها وأنا مشغل السياره وكنت واقف في ظل
وهذي وأنا في الشمس في الظهر
وآسف يا أخوان والله نسيت أشغل الدي في دي في الشمس وأوريكم وضوح الشاشه
لأني كنت مستعجل ماسك خط من الرياض للشرقيه
طبعا اللزقه لا زالت موجوده على الشاشه يمكن عشان كذا الكثير يقول مو واضحه وخاصه الصوره الثانيه :d
طيب الحين نجي لميزات الشاشه
- كما هو معروف الدي في دي وهو واضح بالصوره اللي فوق بأنه تحت ولا يوجد مكان لشاشة الوكاله
وأيضا الشكل مثل شكل سي دي الوكاله اللي جاي تحت في موديل 2011
- وضوح ممتاز ماشاء الله
- إمكانية تركيب كاميرا خلفيه
- شاشة ملاحه
- آيبود
- تلفزيون ولكن يجب تركيب أنتل لكي يشتغل وأنا ماركبته وسعر الأنتل ( 200 ) ريال تقريبا
- الشاشه ممتازه للي تجي ( 6 ) سيديهات فقط .
- يو إس بي وهو واضح تحت وأنا شابك فيه سلك الآيفون
- قلم لمس
- شاشة تلفون
- بلوتوث
- شاشه بعرض ( 8 ) إنش
- بالنسبه للميموري اللي تحط فيها برنامج الملاحه مكانه مو واضح زي باقي الشاشات ومرره صغير
- معلومات المكيف تطلع في نفس الشاشه
- شكل الراديو يطلع عندك بشكل أفضل من حق الوكاله بحيث تعرف وش اللي مخزن تحت الرقم المخزن عليه
ونجي الآن للعيوب اللي فيها
- الشاشه والله عيوبها جدا جدا جدا لا تذكر
أولها: إذا شغلت السيدي وإنتقلت لسيدي ثاني تبقى الخطوط اللي تلف على السيدي في الشاشه واضحه على السيدي السابق
ثانيها: إذا شغلت السيدي وطفيت السياره بدون ماتطفي السيدي قبلها وجيت بعدين وشغلت السياره بيشتغل معاك السيدي عادي لكن بيطلع لك مكان شاشة السيديهات No Disk
بس تطفي السيدي وتشغله ترجع طبيعي وهذا عيب بسيط بالنسبه لنوعيتها
ثالثها: عدم وجود ريموت كنترول معاها
رابعها: تعليق بسيط جدا يعني كل شهرين إلى ثلاث شهور مره ، بس تسوي إعادة تشغيل لها وتشتغل عادي ولا كأن فيه شي
وآسف جدا أخوي اللي وعدته والله اني داري طولت عليك
لكن يعلم الله ظروف العمل ماخلتني أسوي لك التقرير
وأي إستفسار أنا موجود يا شباب
التعديل الأخير تم بواسطة فتى زهران ; 23-01-2011 الساعة 08:37 AM
بالتوفيق
بس شاشة المكيف تطلع بنفس الشاشه اللي فوق
تم التعديل على المميزات باللون الأخضر
حيث أنني أضفت عليها ميزتين كنت ناسيها
أخوي كوبيه 0707 تم إضافة النقطه التي قمت بالسؤال عنه
والإجابه هي نعم معلومات المكيف تطلع عندك على الشاشه تحت بشكل رائع
وبإذن الله سيتم إضافة صوره لها وصوره للدي في دي وهو شغال بالنهار
بس ضروف عمل لا تسمح لي حاليا لكن بإذن الله سأحاول اليوم أو بكره أحطها
الشاشه ممتازه للي تجي ( 6 ) سيديهات فقط
^^
^
يعني السياحي والسبيشل مو كويسه لهم لانهم بس ((سي دي واحد))؟
ايه هذي اسمها رود روفر
ركبتها انا عندي على 2011 فل كامل
بس عيت تضبط معي والعيب من الشاشة نفسها مضروبه وجربت ثلاث شاشات ونفس الحكاية
ومقطوعه من السوق ماحصلتها قالي انتظر لين تجي دفعه جديدة وتضبط
وقاعد انتظر وبعدين انا مجربها على اكوردين اخوي ولا شفت العيب حق السيدي الي تقول
بالعكس شغال مضبوط واحس مايكون وانا قد جربتها على موتري مافيها شي بس المشكلة انها قامت تعلق
على شعار هوندا ولا طلعت الشاشة نفسها خربانه
يعطيك العافية اخوووي والله ما تقصر
بالنسبه لسعر الشاشه كم يتراوح اخوي
شاكر لك الموضوع تحياتي__مووري211
ما شاء الله تبارك الله
هذي الشاشة اسمها ( mx ) و سعرها تقريبا 2600
بسم الله الرحمن الرحيم
والصلاة والسلام على المبعوث رحمة للعالمين سيدنا ونبينا محمد بن عبدالله عليه وعلى صاحبته وأتباعه ومن إتبعهم بإحسان إلى يوم الدين
حياكم الله يا شباب
وآسف مارديت عليكم والله ضغوط عمل عندي ماتسمح لي الا في هذا الوقت
من الساعه 7 إلى 7 ونص أو 8 الصباح أجلس على النت
الحين بنزل لكم كم صوره وبعطيكم شرح عليها
الأولى هي :
المشكله اللي طالعه عندي على السيدي إذا طفيت السياره وهو شغال وبعد كذا شغلت السياره
يشتغل السيدي لكن شاشة السيديهات تطلع لي كذا
الثانيه هي :
الدي في دي وهو شغال وأنا واقف في الضل في النهار
والثالثه هي :
الدي في دي شغال وفيه جزء من نور الشمس على الشاشه
الرابعه هي :
الدي في دي شغال وعليه جزء كبير من نور الشمس وفتحة السقف ( التنده ) مفتوحه
1- ملاحظه هامه : لعل الكثير بيقول الشاشه مو واضحه بقول صح صادق لكن لماذا ؟
بقول لك لييييش
لأن أول شيء لو تلاحظ إن الشاشه لا زالت عليها اللزقه حقت الشركه مافكيتها
وأنا بالعاني مافكيتها عشان ما تتجرح علي لأن عندي عيال وأخاف يخربونها علي بصراحه
2- ملاحظه أخيره : أخواني شوفوا في الصوره الأخيره موجود جزء طالع من اللزقه حقت الشاشه
في الزاويه اليمين فوق ، تحتها مباشره مكان الميموري كارد ولا أحد يلاحظها الا اللي يبغى يدور عليها
وهو راكب السياره لأن حجمها صغير جدا زي حقت الجوالات الجديده
أخواني تكفووووون وكلمة تكفى تهز الرجال ( قولوا ماشاء الله )
نجي لمكان الشراء :
بصراحه أنا الرجال اللي شريتها منه في الرياض أسم المحل ( سفاري )
وأنت داخل الغرابي من أوله تعدي البرحه أو المواقف اللي تجيك على اليسار
فيه صف محلات بتجيك على اليسار هو تقريبا محله رابع أو خامس محل
لوحه صفراء مكتوب فيها بالعنابي سفاري
إذا روحتوا له قولوا له أنا جايك من عند فؤاد راعي الأكورد الدب << ( :d )
وبإذن الله مو مقصر معاكم
نجي للسعر :
أنا شريت الشاشه مع كاميرا بانوراما ليليه << في الليل تعطيني ألوان رووووووعه
كان سعر الشراء تقريبا من 2550 إلى 2600 ريال تقريبا والله أعلم
لها معاي قرابة 8 شهور ويمكن زود
بصراحه ماشاء الله تبارك الله
إعتذار :
أعتذر لكم جميعا لعدم وضع صوره للسياره وهي شغاله الكاميرا الخلفيه فيها
لأن عيال الحاره الله يعطيهم العافيه كسروها لي :(
^^^^^^^
اللون خقق :d
هذا ما إستطعت أن أقدمه لكم
والله ولي التوفيق ،،،
إحترامي وتقديري لكم جميعا
التعديل الأخير تم بواسطة فتى زهران ; 24-01-2011 الساعة 07:44 AM
ماشاء الله تبارك الله,,,
بس حبيت استفسر عن شئ .... لمن تركب الشاشة ماتحس انها بعيدة عن السواق بما انها لمس
لانو انا احس لمن اركب السيارة شاشة الوكالة بتكون بعيدة مني؟؟
حياك الله أخوي
بالنسبه لإستفسارك فإجابته هي
لا يا غالي بالعكس هي تكون أقرب من شاشة الوكاله لأن شاشة الوكاله تكون صغيره وبعيده شويتين
لكن هذي كبيره وتكون أقرب من حقت الوكاله
هذه إجابة إستفسارك يا غالي
إحترامي
ياليت تصور لنا الكاميرا وانت ومشغل الريوس
وشكلها من ورى
المشاركة الأصلية كتبت بواسطة فتى زهران
أخوي ( اكوررررد2009 )
ياليت تراجع ردي بعد إضافة الصور الأخيره لأني كتبت عن هذا الموضوع لأني كنت عارف
أنه بيجي واحد ويسأل عن الكاميرا ويقول ياليت تصور لنا الكاميرا وهي شغاله
وقد وضعت لك إقتباس من الرد الخاص بي الرجاء قراءة الموضوع كاملا في المستقبل لكي لا تحرج نفسك :d
إحترامي وتقديري
هل اسم الشاشة mx او لها اسم تاني عشان حصلت وحدة زيها في كيلو 2 بنفس السعر وتقريبا المواصفات
السلام عليكم ,, أخوي بافضل ^^ هذي الشاشة ممكن تقول قين حصلت هذي الشاشة , لإني لي أسبوع أدور عليها .
حياك الله أخوي بافضل
والله بالنسبه للإسم ما أدري وش أسمها لكن إذا شفت نفس الكرتون اللي في الصوره
الأولى أكيد هي :d
والله يوفقك ويكتب لك كل خير يا غالي
أخوي keep smile
اولا حياك الله في موضوعي المتواضع\
ثانيا الله يحفظك بإمكانك فتح موضوع جديد ووضع تساؤلاتك فيه لكي لا يخرج موضوعي عن سياقه
وأنا لم أضع الموضوع الا لكي يستفسروا الشباب مني عن أي شيء يحتاجونه
وليس للسوالف وسؤال الشباب بعضهم البعض عن أماكن وتواجد المنتجات
وهذا حق من حقوقي ككاتب للموضوع
آسف يا أخوي بس أتمنى أن لا يضيع الموضوع عن سياقه
لكم إحترامي
بارك الله فيك وفي أحمد , لا عدمناككم
حصلتها في محلين واحد اسمه القمة والتاني شواطئ جدة الاتنين جمب السماعيل حق التنجيد واسفين اخونا فتى زهران ع الخروج من الموضوع:o
لا تعلييييق
^_^
يعطيك العافية اخوووي والله ما تقصر
ضوابط المشاركة
مواقع النشر (المفضلة)