الموضوع: شركات التأجير المنتهي بالتمليك !!

عندك عن طريق البنك الاهلي
وعندك بدون دفعه عن طريق شركة تأجير تلقاها على طريق الملك عبد الله مخرج 10 وانت متجه للغرب على يدك اليمين جنب مفروشات المطلق

المشاركة الأصلية كتبت بواسطة مزاحماوي

بإنتظار افادتكم ..

أجل تقول تنتظر ردنا يالطيب ؟؟؟

صحيح أن ردي مايمثل رد الجميع

وسمح لي إذا قلت لك

أنت مجنون .. أيوه مجنون كبير

يا أخي و ش الله حادك على التأجير و تبعياته إلى تكسر ظهرك وتكسر ظهر أم العيال و ظهر جيرانك و ظهر كل من يحبك و يعز عليك

سياره بـ 80 ألف تردها لهم بفوائد 140 ألف

يا خي دبر نفسك بدون تأجير و النكد إلي حيلازمك ويمص عمرك ودمك ( عنجد يمص عمرك ودمك ويبهدلك بزمن لا يرحم )

أترك التباهي بركوب سياره جديده ورحم نفسك

هذا هو ردي لك ، ولك أنك ترفضه وكان الله بعونك مع أني متأكد أنك تبغى سياره لكن شف لك بديل أو ابن حلال يضمن لك سيارته إلى حيبيعها لك

والله ولي التوفيق

والعذر و السموحه

ياخي مشكله اللي يفكر ان الناس مثله ..
يجـيك واحد يقول ليش ماخذ سبيشل ؟ ليه ماخذت فل ..

والحين بيقولون لك: ليه تاخذ تاجير منتهي بالتمليك ليه ماتخذ كاش او اقساط او من البنك ؟

المشكله ماحد يعرف ولايقدر الظروف ..

"

افضل حل هو انك تاخذها من البنك ؟ ترا النسبه كويسه ، مره شفت عرض من الراجحي حلو ،
بس اذا ماتقدر او عليك قرض الخ...
ومالك الا التاجير المنتهي كـ " حل اخير "

اشوف شركة اليسر ( من اوتوستار ) كويسه ، بدون دفعه وبدون تعقيد
والنسبه 9% على ماظن والقسط كويسس
3 ايام او 4 والسياره عندك


ابعد عن عبداللطيف جمييييل وبتـعين خير

نصيحه اخو لخوهـ ابعد عن التاجير المنتهي بالتمليك سوا شركات ولابنوك

ان جيت من ناحيه الحكم الشرعي ولا من ناحيه الفوائد !!!

موفق اخوي

فيه البنك الانماء
وفيه البنك العربي
موجودين في وكالة هوندا خريص

يا خوي اقراء كلامي وانت حر
ممكن انت ربي حادك على التأجير بالتمليك مادري عن ضروفك وكل انسان لة ضروفة الخاصة
انت عندك قرض في بنك الرياض يعني بنك الرياض ماراح يعطيك قرض

انا زييك شف وش سويت
عندي قرض في بنك الرياض ولذلك انحديت على بنك الرياجحي واخذت هوندا اكورد 2012 مو فل ابشن لاكن بس فتحة وجنوط وركبولي كشافات عندهم عرض حسبوها ب( 94 ألف ) تقريبا وانا اسددها لبنك الراجحي (124 ألف) لمدة 5 سنوات وطلبوا مني دفعة اولى بحكم اني لست عميل لبنك الراجحي( عميل يعني راتبي على بنك الراجحي ) اذا الراتب على بنك الراجحي بدون دفعة اولى ولكن يكون علي دفعة اخيرا 34 طبعا تكون من ضمن 124 ألف . والحمد الله الامور طيبة معاها تأمين شامل
واي استفسار انا حاضر
للمعلومية استلمت السيارة من اسبوعين مرتاح الحمد الله

ترا اذا صدمت فيها وراحت تشليح ما راح يجيك تعويض ,, شركة التأمين بيدفعون التعويض للوكالة ويجيك شي بسيط وما راح يلتفتون لك حتى لو الأقساط مدفوع نصها

نصيحة خذ منهم العقد واقرأ الشروط على رواق كااااااملة

الله يكتب لك اللي فيه خير

و اليكم نصيحه يا شباب

اللي عنده سياره إيجار منتهي بالتمليك

اللي يصير لي حادث سواء هو مخطي او مخطى عليه

و هرب اللي صدمك لا تعطي نجم رقم اللوحه

خلها ضد مجهول

لأنك اذا صار لك حادث مع هروب مع بيانات الهارب ما يصلوحنها

ألا بتقرير المرور بنفس الموقع !!!

طبعا بيقولك نجم يغني عن المرور ....

كلهم ما يخافون الله

لذا أقترح أنك تأخذ فكره عنهم و نصبهم

جاري شاري من البنك الاهلي اوديسي 2011 للسائق

صدم فيها سواقه و كلفت 17000 ريال

طبعا الحادن خفيف و السياره تمشي و داها للوكاله اتصل عليه البنك

قالو له تعال للفرع بطريق خريص و ادفع 1000 فسط التأمين و قالو له خلاص

قفلنا المعامله قالهم ليش ؟ قالو 000 تلف كامل

مجموع اللي دفعه 44000

و قالو له قدم على سياره من جديد .

و بالنسبه للأفضل روح لكل بنك و شركه و خلهم يعطونك عرض سعر

و انت قارن

و حاول تقلل عدد السنوات باللي تقدر عليك

بالتوفيق

بالنسبة للتأجير المنتهي بالتمليك بصراحه برنامج صعب ولازم تكون منتظم عشان تفويض القيادة والتأمين والفوائد عالية كثير واخص بالذكر شركة تأجير والبنوك ترى فوائدهم اعلى شي 0 اذا امورك المادية صعبة خذها اقساط او تأجير من نفس الوكالة تراهم اقل فوائد ولا قدر الله لو صار حادث ما يعقدونك زي الشركات او البنوك

الزبدة ....عندك الراجحي تاجير تمليك ...والي يقول بيقصم ظهرك ..ترا ماطلع رنج سبورت .. <3 كلها 1400ريال القسط .. الحمد لله بس

يابن الحلال توكل على واخذها ..
نفس السالفة .. سواء اخذتها عن طريق البنك او اخذت فلوس من البنك ورحت تشتريها .. الزبدة ان تعطي البنك في كل الحالتين .. والفائدة راح ياخذونها منك ..
طبعا راح تكسب معاها تأمين شامل طول مدة العقد .. ويكون القسط مررة مناسب ...
واذا قدر الله وجاء يوم وتبغى تكنسل السيارة .. بس تروح تدفع فرق الكيلو مترات .. وخلاص وتنتهي السالفة ..

المشاركة الأصلية كتبت بواسطة صديق هوندا

أجل تقول تنتظر ردنا يالطيب ؟؟؟ :a6rb.com_57:

صحيح أن ردي مايمثل رد الجميع

وسمح لي إذا قلت لك

أنت مجنون .. أيوه مجنون كبير

يا أخي و ش الله حادك على التأجير و تبعياته إلى تكسر ظهرك وتكسر ظهر أم العيال و ظهر جيرانك و ظهر كل من يحبك و يعز عليك

سياره بـ 80 ألف تردها لهم بفوائد 140 ألف

يا خي دبر نفسك بدون تأجير و النكد إلي حيلازمك ويمص عمرك ودمك ( عنجد يمص عمرك ودمك ويبهدلك بزمن لا يرحم )

أترك التباهي بركوب سياره جديده ورحم نفسك

هذا هو ردي لك ، ولك أنك ترفضه وكان الله بعونك مع أني متأكد أنك تبغى سياره لكن شف لك بديل أو ابن حلال يضمن لك سيارته إلى حيبيعها لك

والله ولي التوفيق

والعذر و السموحه

بالله عليك .. تكفى اتحفنا بالحل اللي عندك .. شلون يدبر نفسه .. يروح يسرق ؟؟!!
واضح من كلامه ان ما عنده المادة الكافية ان يشتري كاش او حتى مستعمل ..
حتى لو يبغى يشتري مستعمل .. بالله كم يحصل السيارة النظيفة .. ؟؟
وكيف يشتريها ؟؟ يعني لازم ياخذ قرض ويروح يشتري .. يعني القرض فيه فيه ..
ويروح ياخذ مستعمله ويجلس كل يوم يرقع فيها .. كل يوم بورشة ..
..
والله افضل لك خذ لك اصفاااااار وريح بالك .. كل الناس ماخذه منتهي التمليك وامورهم تمام ..