الموضوع: أبشركم... تقرير مصور عن وزن أنوار الاكورد 2012

المشاركة الأصلية كتبت بواسطة تركي الشريف

السلام عليكم ورحمة الله وبركاته

صراحة هذا أول موضوع لي وحبيت انقل لكم تجربتي بوزورد 2012
لان كان معي اكورد 2006 واشتريت اكورد ثانية 2012

صراحة ممتازة لكن الأنوار فيها مررررة نازلة
ورحت الوكالة اللي بتبوك قال جيبها على صيانة 1000 كيلو عشان لازم نفك الكفرات والبطانة
واذا قالولكم كذا لاتردون عليهم

وبعد صولات وجولات عرفت الطريقة
مالكم بالطويلة جبتلكم تقرير مفصل عن طريقة الوزن

الشي اللي تحتاجه هو مفك مربع طويييييل وبقولكم السبب بعد شوي
وحاول ان راس المفك مايكون صغير مرة

الشمعة اليمين وزنتها سهله لأنها واضحة أمام الجميع وهي عند علبة الموية حقت المساحات
[IMG][/IMG]


تجيب المفك وتدخله بالفتحة اللي موضحة بالسهم وتفر ولاحظ النور يرتفع وينزل لكن بشويش عشان لاتخرب من جوا

[IMG][/IMG]



هذا بالنسبة للشمعة اليمين


أما الشمعة اليسار هي الأصعب لان مكان الوزن جاي ورا الكمبيوتر والبطارية
لاحظوها
[IMG][/IMG]


عشان كذا طلبت منكم مفك طويل عشان يوصل لمكان الوزنية
تدخل المفك بهالطريقة

[IMG][/IMG]



الملاحظات:;)
1- لاتشد عالمفك ابد عشان لايخرب حق الوزنية
2- كل شمعة تاخذلها كم دقيقة عشان ارتفاعها بطيء عشان كذا لاتستعجل ابد :o
3- المفك يكون مربع
4- حاول تكون بمكان مظلم وتوزن على جدار بعيد عشان تضبط
5- ادعووولي



شكرا لكم جميعا وارجو ان اكون كفيت ووفيت

الف شكر لك اخوي على المجهود والله يوفقك ويرحم والديك

شكراً شكراً على الدقة

ماقصرت ويعطيك الف عافيه والله يوفقك

الله يعطيكم العافيه على مروركم الجميل
وننتظر متى ينزل موضوع عن وزن الكشافات
اشكركم حبايبي على مروركم

اول شي احب اشكرك على افادتك لاعضاء المنتدى ... و المعلومه الي جبتها مو بسيطه خاصه للي يمسكون خطوط زي حالتي

ثاني شي ودي اعرف اذا كانت هذي الطريقة تؤثر على الميزان الكربائي للانوار او المكينة الي ترفع اللمبات وتنزلها ؟؟؟؟

اخاف نلعب بالوزنيه وتخترب المكينه :(

مشكور الله يعطيك العافيه وعلى افادتنا بالصور ..

شكرا جزيلا لك وبحاول اسويه لأني اروح خطوط ووفقك الله أخوي ورحم الله والديك ...

ربي يخليكم ويسعدكم على مروركم
بالنسبة لسوالك حبيبي مابتاثر عالميزان الالكتروني بس اهم شي لاتشد يدك وانت تلف عشان ماتخرب السنه حقتها وثاني شي اللي هو الاهم ونسيت اذكره فوق انه لنا تجي تضبط الوزنية تاكد من الميزان الالكتروني اللي داخل السيارة يكون على رقم صفر لانك لو خليتها على رقم 2 او 3 و وزنت بعدين حيت ترفعها الكتروني ممكن يفلت حق النيزان من الداخل ويسير النور طايح بالارض وممكن البعض يستغرب من كلامي بس هي عن تجربة لان اللي كانت عندي موديل 2006 صارت معي ان الوزنية فلتت واضطريت فكيت الشمعه وجهاز الوزنية وسويتلها توليف وهالشي صعب ونادر احد يعرفه
اعتذر عالاطاله لكن اهم شي لما توزن بالمفك يكون الوزن الالكتروني على صفرررر
عشان بعدين اذا ركبو ماك ناس كثير تقدر تنزل النور لانه بيكون شاطح
واي احد عنده استفسار يتفضل
تحياتي لكم

مجهود جميل+ اجمل تقييم

الله يعطيك العافيه اخوي اشكرك على مرورك وتقييمك

ماشاء الله ياتركي تقرير ممتاز
وواضح
والله يعطيك خير السياره ويكفيك شرها

وانت مكسب للمنتدي

ولك احلي تقييم
بِــ̯͡سّ عِنـ.̷̷̸̷̐ـديّ استفسار
اللي جنب البطاريه متأكد انه كمبيوتر السياره
لان لو كان كذا يعتبر مكانه خطير خاصه وقت الامطار

تسلم حبيبي ربي يخليك
والله انا قلت انه الكمبيوتر نقلا عن الكهربائي اللي بالوكالة لانه يقول هذا الكمبيوتر الا اذا انه بيصرفني لكن بكرة بروح اتفاهم معاه هههههه
تسلم حبيبي عالمرور

مشكور يالغالي