رد مع اقتباسالاخوان محى يفيدونك هنا كل واحد بعطيك تجربته وممكن تجربته تعجبه هو وانت ماتعجبك احسن شي اقرب محل اجار استاجر لك وحدة 2013 كم يوم وشوف كل الا نفسك فيه من عزل لي قساوة لكل شي
لمن جرب الأكورد 2013 تعال وعطني أنطباعك ولك جزيل الشكر
ياإخوان أنا بعت سيارتي أكورد 2007 فل مخمل قبل فترة وحمد لله بعتها بملغ طيب وماكانت تشكي من شئ بالعكس سيارة كأنها جديدة لشدة محافظتي عليها ولكن بيعتي لها بعد ماشفت الأكورد 2013 قلت بشتري الجديدة لأنها أعجبتني كشكل وفخامة وتوجهت لهوندا فرع خريص في الرياض وحجزت ودفعت عربون نص فل سبيشل بـ 97900 والأن جالس أنتظر وكل ماأمر عليهم يقولون بعد كم يوم ومن هالكلام والان قربت على شهر بدون سيارة ومستاجر ومتوهق بالحيل وبديت أفكر أسحب عربوني وأتوجه لأي سيارة ثانية حتى لو كان مادوي وخصوصاً بعد ماسمعت كلام كثير عن السيارة أن عزلها سيئ ومطبها قاسي وعزمها ضعيف جداً .. السؤال هل هي مثل ماقالوا ..؟ أو أنه غير صحيح .. إذا السيارة مريحة وعزمها طيب مالي إلا أني أنتظر ولو طال بي الأنتظار لأني صبرت كثير ومابقى ألا القليل على قول الوكالة ولكن إذا كانت فعلا غير مريحة ومطبها قاسي وعزمها ضعيف الله يرحم والدينكم قولو لي عشان ماأتعب نفسي وأزود من الأنتظار وأتوجه لأي سيارة أخرى .. وآسف على الأطالة .. كل الشكر والود لكم قبل كل شي
الاخوان محى يفيدونك هنا كل واحد بعطيك تجربته وممكن تجربته تعجبه هو وانت ماتعجبك احسن شي اقرب محل اجار استاجر لك وحدة 2013 كم يوم وشوف كل الا نفسك فيه من عزل لي قساوة لكل شي
اللي انا مستغربه التأخير في وصول السيارات !!!
الخوف يكون فيهن بلوى ويجي هشومي يرقع فيهن ولا شيء
حسب كلام بعض الأخوة
قساوة مطباتها وقومتها وعزلها الأرضي والجانبي مثل الجيل السابق
يعني إذا ناسبك مواصفات الجيل السابق توكل على الله وخذها
اطلب من الوكالة تجربة السيارة او استأجرها مثل ما قال اخونا البرنس
بالنسبة للعزل ما اتوقع انه مثل الجيل السابق
جماعة هوندا حطو فيها عوازل اكثر من الموديل السابق مو معقوله يكون نقس العزل
الاجانب لهم فترة عندهم السيارة ما اشتكو من الناحية هذي
اذا ماشفت تجربة حسن كتبي للاكورد باليوتوب انصحك تشوفها
http://www.youtube.com/watch?v=Y0OKG8aSgzs
ترا السيارة حلوة و انا مثلك لي ثلاث اسابيع انتظر
هلابك أخوي صحيح كلامك وفعلاً أنا مريت الذيب لتأجير السيارات في الرياض وقال عندنا أكورد 2013 ولكن مانأجر أفراد بس نأجر شركات وسألت كذا محل أيجار وقالوا مافيه وإذا تخبر لي محل أيجار يأجر أكورد بلغني الله يعطيك العافيةالمشاركة الأصلية كتبت بواسطة al.berens1
هذا الخوف وفعلاُ التأخير للشركة في وصول السيارت شي يقهر .. شوف سيارات 2013 توفرت كلها ونزلت وتختار في الألوان والهوندا أكورد يمر عليك أكثر من أسبوع ماشفت ولا وحدة والناس مذابح على الحجز فعلا وكيل ماأدري وش يبي شكل بينزل موديلات 2014 للسيارات الأخرى والأكورد 2013 لسى مانزل منها العدد الكافي
لا والله مايناسبني أبد لأن كان معي أكورد 2007 وطولت معي وجربت سيارة واحد من الشباب أكورد 2011 والله أن موتري وقتها كان أحسن منها في المطب والعزل والعزم وماجازت لي ولكن وقتها الرجال توه شاريها وماحبيت أحطمه ومدحت له السيارة من باب ماياخذ بخاطره وأكرهه في سيارته مشكور أخوي
هلابك أخوي .. طلبت تجربة من وكالة هوندا لأني وقتها ماكنت أدري أن فيه تجربة بس بعد ماعرفت أن فيه تجربة رحت لهم وقلت بجرب السيارة وقالوا لي مافيه تجربة الان لأن التجربة موقفة بسبب أن التأمين حق السيارة منتهي ومايجي إلا من جدة ويبي له وقت وكل ماأتصل عليهم يقولون ماجاء التأمين ويبي له كم يوم ومن هالكلام وماعاد أدري وبصراحة أنا من عشاق هوندا ومعاصرها من موديل 2002 واخر موديل وقفت عليه 2007 ألين بعتها قريب وأبغى السيارة وهاويها ولكن كلام الناس يخوف موتر أدفع فيه 100 ألف وأخرتها عزل مش ولا بد وعزم ضعيف ومطب قاسي وبكذا راح أتنازل عن هوى نفسي وأعزف عن معشوقتي الأكورد وأبحث عن بديل أفضل وقريب من هالسعر .. كل الشكر لك أخوي وأنا مثلك صار لي ثلاث أسابيع على الأيجار والله يعين
قبل ما اختار الاكورد بحثت بحث مطول و شفت البدائل بس صراحة زي الاكورد مافي و اغلب مواقع المقارنات حاطينها في المركز الاول او الثاني
يا شبـآب لقيت 2013 أربعة سلندر فل كامل بـ 115 أخذها وأتوكل على الله
وأنا ما أقدر على الستـة غاليـه
ومدري أخاف أخذ السيارة وبعدين أندم
يا ليت واحد يشرحلنا هل فرق المكينـه كبير بين الأربعـه والستـة ؟
اخوي كاتب الموضوع شوف هذي المواضيع ممكن تفيدك
http://www.hondaarabia.com/club/t59076/
http://www.hondaarabia.com/club/t58875/
أكيد أخوي فيه فرق لأن 6 سرنلدر أقوى وأفضل من ناحية القوة وهدوء المكينة
هلابك أخوي .. ومشكوور يالغلا وماقصرت والله يجزاك كل خير ويوفقك وفعلاً أستفدت من هالمواضيع اللي أنت طرحتها لاهنت يالطيب
انا شريت 2013 بصراحه من وجهة نظري من ناحية الشكل ملفت
وايظا الشكل الداخلي جميل ووسيع
اما من ناحية العزل فأن اعطيها تقريبا 80 الى 85 %
وابدا ما راح اندم علي شرائها
الله يجزاك خير أخوي ويبارك لك في ماأعطاك الله لكن ماعطيتنا أنطباعك في العزم والراحة
السلام عليكم
اخوي انا انا معي 2013 اكورد
السياره مثل ماقالو الأخوان رساوه وراحه وشكل رائع وصناعه ممتازه
ايجابيات السياره تغطي على العيوب هذا لو فيه عيوب تذكر،،،
بالتوفيق اخوي ربي يكتب لك السياره اللي تعينك وتصبر معك
السلام عليكم ورحمة الله وبركاته
اخواني يشرفني انضمامي للمنتدى هوندا وباذن الله عما قريب اخذ هوندا الملكيه 2013
االمهم اليوم جربت هوندا اكورد 2013 ستاندر ايجار من شركة المفتاح بمكه
السياره من قبل لأجربها كنت مقتنع بنسبة 80 بالميه بس بعد ما حربتها 99 بالميه مقنعتني
بعد تجربتي السياره يا جماعة الخير استاندر شفتها جدا جدا جدا حلووووه من عدة نواحي
سواقتها متعه واحس بهدوووء اثناء القياده وفي المطبات والحفر اشوفها غير قاسيه بحكم اني معايا سيارة حاليا مازدا 3 2013 شفت الاكورد بي ام دبليو جنبها خخخخخخخ
احسها نشيطه ومقاعده جدا جدا جدا جدا مرررررررريحه و ديكور السياره من شاشة المعلومات والعداد وتحكم المكيف جدا حلووووه كاستاندر
اخوية الاكبر معاه لكزس es 350 dd 2013 لما ساق الاكورد جددددا عجبته من ناحية الراحه والهدوء ومطباتها غير مزعجة علما اخوي بالكزس اذا اخذ حفره تسمع الصوت الضربة في الكفر بس تحس انه عادي غير مزعج يصريح العباره الهوندا مقاربه تقريبا للكزس في المطبات لكن الكزس على افصل بحكم الكزس اعلى فئة وقيمتها 198000 الف
لكن في ملاحظه في الاكورد بصراحة لا تذكر واشوفها طبيعيه نوعا ما بعد سرعة 100 تسمع صوت هواء من جهة باب السواق بس بصراحة جمال السياره ومتعه قيادتها نستني الصوت
مسجل السياره عجبني بس احس الدق al bass مو قوي مرررره بس مقبوول ب
عندي كم سؤتل ياريت تفيدوني
ياريت الا مجرب لاكورد السته سليندر الملكيه هل صوت السمعات ممتاز لانها فيها مضخم
يا اهل هوندا هل السيارة متعبه في الصيانات في الشركة من ناحية التأخير والمعاملة بالذات فرع مكه المكرمه وباذن الله ناوي ابيع المازدا حقتي وباخذ الملكيه بالذات بعد ما جربت الاستاندر وعجبتني اجل كيف الفل الملكيه v6 وما احلى لووون في الملكيه
وشكرررررا
هلابك أخوي والله يجزاك كل خير يارب .. ومشكور على المعلومات الحلوة وبكذا أنت شجعتني على أني للحين ماجربت السيارة .. كل الشكر لك أخوي
االله يريح قلبك مثل ماريحتني يالغالي .. عاجز عن شكرك يالطيب .. والله يوفقك في موترك الجديدة وتتيسر أموره ويهنيك فيه
امين يارب العالمين وياك حبيبي ويريح قلبك ياهاوي الاكورد من جدددددد جررررب والله ماراح تندم خذها كلمه مني يارجال من كثرررر السياره عحبتني وددي ما ارجعها بالذات ريحت الوووكاله فيها
شوف انا كان معي اكورد 2006 وبعدها 2008 والحين 2013 فل مخمل صراحه لا تقارن ابداً بالموديلات السابقه السياره فخمه فخمه والله كأني راكب لكزس من ناحيه الطبلون والشاشات والدركسون وكل شي فيها جوده عاليه والسياره راسيه بالخط رساوه عجيبه وانا الحين توني واصل من سفر عليها والله ماكأني ماسك خط السياره مريحه جداً وانصح الي بيشتري ان يشتري فل مخمل ف اعلى لاني اشوف السياره ريحتني كثير بسالفه فتح الابواب بالازرار والشنطه والتشغيل تحس انك راكب موتر فخم وانصح الي ناوي عليها يصمل تراها افضل موجود
يا اخوان اانا مقبل على شراء الاكورد 6 سلندر فل كامل سبورت بس في بعض الاعضاء خوفوني منها ويفضلون الفل كامل 6 سلندر العاديه اللي هي ب129 الف ؟! ليه ممكن افهم السبب لانهم احبطوني وشكلي بحول للازيرا دام السبورت مو كويسه :(:(:(
السلام عليكم ورحمة الله وبركاته
الحمد لله انا السياره ماشية معي الى حد الان 2100 كيلو بحكم ان كان معي 2008 لا استطيع التخلي عن الاكورد مهما كان :d
تجربتي لموديل 2013:
مشاء الله اختلف كثيرا عن الموديلات السابقة بحكم ان اخذت سبشل من ناحية:
الطارة صارت اثقل واحس كل ما زادت السرعة كل ما صارت اثقل
الموصفات افضل مثلا
شاشتين بقياس 5 انش والاخرى 8انش
جنوط بمقاس 17 انش
نظام اقتصاد الوقود
قادة السياره رائعة جدا
الانوار الامامية وكذلك الخلفية جميلة
حسيت اني من مضارب بني عبس:d
وسلامتكم ;)
والله يالغالي استأجرتها يومين والآن صرفت النظر عنها نهائياً، بعدما كنت منتظرها ثلاثة أشهر ومعربن عليها من بداية يناير
قاسية وعزلها الأرضي سيئ والله يكتب لك اللي فيه خير لكن أنصحك باستئجار السيارة قبل الشراء
فلكل شخص نظرته فاللي يمدح ممكن كان يملك سيارة أقل فئة فيرى الأكورد مرسيدس :d << كلامي ليس على العموم لكن للتوضيح واعطاء التجربة أهميتها
والله يوفقنا وإياك
ضوابط المشاركة
مواقع النشر (المفضلة)