سيارتك كم ماشية
وش وضع الصيانة عندك ؟؟؟؟؟؟
السلام عليكم ورحمة الله وبركاته
عندي مشكلة حيرتني سيارتي اكورد 2006 سته سلندر
في الصباح اشغل سيارتي امشي بيها ما تعشق بين الاول والثاني ما فيه كم ثانية او دقيقة بالضبط الا ويظهر لي علامتين ( VSA , المثلث الا عليه علامة تعجب )
اطفي السيارة واشغلها تنتع نتعه قويه لما تغير للثاني وبعدين تمشي زي اللوز اوقف السيارة اطفيها التغيير تمام صحيح في بعض التاخير في التعشيق بين الثاني ولاثالث ولكن السيارة تغييرها للقيرات اوكيه
رحت لعند مهندس في الصناعية القديمة متخصص فقط في الهوندا قالي جرب افصل البطارية في الليل والصباح اشبك البطارية وشوف جربت الحركة هذي ضبطت معي وما عاد ظهرت لي العلامات وتتغير التعشيقات تمام صحيح فيه نتعه اول ما يغيير في التعشيق وبعدين طول اليوم والتغير مئة المئة
ما عجبني الوضع كل يوم وانا افك البطارية وفي الصباح اشبك البطارية
رحت لعند مهندس فلبيني في ميزان البلاد مختص في فحص السيارات كمبيوتر
طلع لي حساسات الشكمان و كتب لي مشكلة داخل القير
قلت الحساسات بسبب الفلتر تبع الشكمان يبيله ينشال
قلت له ايش المشكلة الا داخل القير قال ما ادري قلت لها اعطيني الكود الا طلع لك قال الكود A\t intaral muc ما عرفت اكتبها بالانجليزي ولكن معناها مشكلة داخليه في القير دلني علي مهندس مختص قيرات قال لي توضيب انا الصراحة اكره ما عندي لما المهندس يقلك توضيب
قلت طيب ايش المشكلة لما قلت لي توضيب قال لان المشكلة داخل القير ما اقتنعت منه قلت له بكم قال ب 3000 ريال توضيب مع الضمان قلت له بكم تفك وتركب وتقلي الخلل من اي قطعه وانا بروح اشتريها قال اوكيه اخذ منك 1200 والقطع علي قلت لك بكم طقم الكلتشات ( طقم الكلتشات يجي معاه فلتر قير وصوف القير مع الربلات ) من جنب جيركو يبيعونه امريكي قال لي ب 800 ريال ويبيلي زيت القير قلت له يصير خير رجعت لعند للمهندس خويي المتخصص في الهوندا قالي شوف يا اني افك القير واشوف وش الخلل واغيره قلت له بكم قال 2500 ريال مع طقم الكلتشات لانه يتوقع ان المشكلة من الكلتشات قلت له لا 2000 ريال وكل شي عليك قال ما عندك مشكلة الصراحة ماني مقتنع في كلامه
ولا الحل الثاني اني امشي بالسياره وكل يوم افك البطارية وارجعها الين ما توقف السيارة ويبين وش المشكلة
طنشتهم كلهم ورحت لخويي راعي محل قطع غيار كلمته بمشكلتي دلني لعند مهندس برضه متخصص في الهوندا وثقه من ناحيته قلت اوكيه رحت لمه وشرحت له القصه الا تصير معي قالي ما دام تظهر لك هذي العلامات يعني ان VSA ما يسمح للقير انه يعشق اذن هذي المشكلة كهرباء
وداني لعند مهندس كهرباي جنب محله فحص ما ظهر له الخلل الا حساسات الشكمان قالي حط لي سيارتك في الليل وبدون ما نفك البطارية لانها عملت رست للكمبيوتر قلت له اوكيه انا ما اقدر احط لك السيارة الا يوم الجمعه متواعدين انا وياه انشاء الله يوم الجمعه احط له السياره ويوم السبت الصباح يفحص السيارة كمبيوتر من ناحية قلت اوكيه عشان اكون عنده واعرف ايش الخلل الا يظهر معاه والله يفرج هم المسلمين
اذا احد صادفته نفس المشكلة او عنده خبره في هذي المشكلة ارجو عدم البخل بها
طولت عليكم في السالفه والسموحة منكم وارجو منكم المساعده باقتراحاتكم
وانا بعلمكم الا يصير معي لكي يستفيدون الا يصير لهم نفس المشكلة
سيارتك كم ماشية
وش وضع الصيانة عندك ؟؟؟؟؟؟
اللهم لك الحمد الممشي 195 الف
اتضح المشكلة من كهربائي فنان يعرف مشاكل الحساسات ويفحص حساسات القير قال ان المشكلة من الشكمان مسدود
بعد ما نظفة الشكمان ما عاد صارت تظهر العلامات ولكن بسبب التاخير في معرفة الخلل صار في مشكلة في القير من الداخل فصار يتاخر في التعشيق و نتعة في التعشيق الثاني والثالث
نصيحتكم لي اوضب القير وبعد السؤال في اكثر من ورشة ان تكلفة التوضيب تتراوح بين 2000 الي 2500 ريال
او لاني حصلت قير وارد اليابان عليه ضمان شهر بدون التركيب 1800 ريال مع التركيب يوصل الي 2300 ريال
وفيه مهندس نصحني قال خذ قير وارد اليابان لان في اليابان استخدامه قليل وهم من النوع يستخدمون السيارات من 3 الي 5 سنوات بعدها يغيروا السيارة
ايش نصيحتكم لي
واي شخص يريد ان يتواصل معاي يمكن افيده من كهربائي او مهندس تعاملت معها انا حاضر
انصحك اولا جرب غير حساس التبديل عددهم 1 . يمكن تضبط معاك .
28700PHR003
وايضا حساسات Pick-Up Assy. (Matsushita عددهم 2
28810PWR013
28820PWR013
Pick-Up Assy. (Matsushita)Pick-Up Assy. (Matsushita)
مواقع النشر (المفضلة)