الموضوع: استفسار عن (AirBag) في السيفيك 2007 ... يوجد صور للحادث!!!

وعليكم السلام

اولـ شي الحمدالله على سلامتكـ

واقدر اقول الحمدالله الايرباق ماطلع
لأنه سعره غالي نار

وهم موزين انه ماطلع لاسمح الله صار في اصابات


اعتقد المفروض يطلع لانه الحاددث مو خفيف




ومتحرش بلموستنق:d

الله يجزاكم خير يا اخوان ... مشكورين على ردودكم ..

اماكن الحساسات على كلام المهندس شهباز (الفرع الرئيسي - خريص) انها حساسين في الركنين الايمن والايسر !!!

وقالوا لي اذا تبي تتأكد من الصدمه اذا وصلت الحساس او لا ونسوي لك تقرير .. جب السيارة بسطحه (100ريال) وادفع (600ريال) قيمه الفحص!!! ورجعها بسطحه (100 ريال)

يعني 800 ريال !!!

وكلمت مدير الصيانة في الرياض المهندس/ داوود شاهين .. وقالي نفس الكلام!!

وش رايكم؟؟؟

------------------

صح انه زين ان الارباق ماطلع لأنه غالي جداً

وصحيح انه بيضر وجهي وخشمي لو طلع !!! لكنه يــرد ( بعد الله ) عن اشياء اعظم واعظم ! صح ولا لا

ونسأل الله السلامه للجميع

وعليكم السلام
الحمدلله علا السلامة
صراحه السيارة تضررة ولا زم يطلع الإرباق
بس السيارة الثانيه وش نو عها
وانشاء الله اخر الأضرار يارب

الحمد لله على السلامه والله يعوضك خير يا خوي.

الحمدلله عالسلامة يا غالي..
من خلال الصور وقوة الصدمة ... المفروض إن كل الإيرباقات تطلع قريبي عنده سيفيك ومن صدمة أقل بكثيييير من صدمتك طلعت كل الأيرباقين... ممكن فيه مشكلة بالحساس..
أو اذا السيارة مو بإسمك من الوكالة ممكن تكون طالعة ايرباقاتها وصاحبها رجعها كشكل بدون ايرباق وهذا الإحتمال فقط اذا ما كانت السيارة بإسمك وكالة..

وبعدين يا غالي الايرباقات ما صنعت الا عشان تقيك بعد الله من الحوادث وطز في تكلفتها العالية دامها تقلل الإصابات والأضرار البشرية..
وعن تكلفة الكشف فأنا أشوفه جدا عالي وما يستاهل تقدر تصلح السيارة وبعدها تدخلها كفحص عادي وتقولهم يشيكون عالأيرباقات والحساسات وتكون استفدت من الناحيتين..

الايرباق موصل بحساسات و الحساسات موجودة بكل مكان تقريبا

بالواجهه و الخلفية و الجوانب و اعتقد اسفل السيارة . لكن بحالة الانقلاب لاسمحة الله ما اتوقع بيطلع الايباق و الله يعينك علي التخبط و التقلب داخل السيارة

مو شرط يطلع الايرباق او يكون فيه عيب مصنعي يمكن الضربة ماوصلت للحساس و احمد ربك ما طلع الايرباق لانه تكلفة اصلاحة كانك رشيت السيارة ٣ مرات ( الطارة ب ٦٠٠٠ الي ١٠،٠٠٠ غير الراكب )

و الحمد لله علي السلامة و معوض خير ان شاء الله

السلام عليكم والحمد لله على السلامة

لكي يتم تفعيل ال Air bags هنالك بعض الشروط منها:

1 ) لبس حزام السلامة

2 ) تكون السرعة اكثر من 40 كم

3 ) لمس الحساس

صديقى عنده سيفيك 2007 عمل حادث مافتح الأيرباق
وسمعت اكثر من مرة انه الأيرباق مايفتح من اكثر من شخص

الحمدالله على السلامة

نقطة أخرى ينبغي الالتفات لها هي إن كنت رابطاً حزام السلامة وشد الحزام معك بقوة، لازم تغير الحزام لأنه سيكون قد فقد مرونته وما راح يشد معك مرة ثانية.

الحمد الله علئ سلامتك اول شي في الحديد ولا فيك لكن الي بقوله شفت حادث واحد معه سيفيك 2006 او2007 المهم السياره وجهياتها راحت فيها والسياره انقلبة علئ الجنب فوق كذا مانفك الايرباق وانا استغرب والرجال مات والله يرحمه ويرحم اموات المسلمين اجمعين ويرحمنا اذا صرنا ماصرو اليه علئ العموم انا مستغرب ليييييييييييييييش الايرباق مافك صحيح انه تكلفته غاليه لكن المفروض انه ينفك الله يعين وبنسبه لي الفحص الحساس 600 االله يصبرنا علئ النصب والاستغلال الله يكفيهم والله شي يحرق الدم بس علئ العموم ثاني مره الحمد الله علئ سلامتك ياغالي وانشاء الله الله يعوضك.

حبيبي اذا عابطو معك الوكاله عندك حمايه المستهلك

وعلى ما اعتقد هذا موقعهم

http://www.cpa.org.sa/Unco.aspx

الله يجزاكم خير جميعا

مشكورين يا اخوان على دعواتكم وعلى ردودكم وبيض الله وجيهكم

ابشركم السيارة طلعت من الورشة قبل يومين ( يوم الخميس 21 / شوال / 1431هـ )

بعد ماجلست في البيت تقريبا شهر وعشرين يوم لأجل انتظار شيك التأمين يخلص ! وجلست في الورشة شهر بالضبط ...... والحمدلله على السلامة

السيارة كلفت حتى الان 20.000 ريال (عشرين ألف ريال) مع العلم ان بعض القطع من التشليح وبعضها ياباني اصلي سوق وبعضها تجاري والاغلب قطع اصلي وكالة ... وباقي طبعا بعض الدعديلات الميكانيكية البسيطه ,,,

-------------------------

نرجع لحكاية الآيرباق ... :

يا اخوان انا اشوف ان صدمتي قوية وتحتاج خروج الايرباق والله اعلم

السيارة اللي ضربتني هي ( فورد موستينق 2006 ) وطلعت ارباقاتها مع العلم ان صدمته خفيفه جداً مجرد شمعة وصدام !! بس انا للي كملت على اشجار ونخيل وحاجز حديدي ... والحمدلله على السلامة

وبالنسبة للحزام انا وقتها ما ربطت الحزام

وبالنسبة لجمعية حماية المستهلك انا كان بيني وبينهم اتصالات ومراسلات في شهر رمضان وقالوا لي ان موضوعك مهوب عندنا .. عند وزارة التجارة - إدارة الغش التجاري ... <<< هنا انا حسيت ان موضوعي بيطوووووووووووووووول مره وبيتمغط سنين وانا ماغير مشغل نفسي ... قمت ودخلت السيارة للورشة وابشركم طلعت بعد شهر

تهقون أدخلها الوكالة أفحص الايرباقات والحساسات ؟؟؟؟؟؟؟

الحمد الله علئ خروج سيارتك والله يكفيك شر الحوادث بصراحه فجأتني في قيمة الاصلاحات( 20الف) الله يعينك ويعوضك ياكريم علئ العموم بنسبه لي الفحص اشوفها ضروري تفحص الحساسات والايرباقات الله يستر عليك وعلئ جميع المسلمين من الحوادث والله يعنيك ويصبرك علئ مصيبتك

الله يسلمك يالغالي

وجزاك الله خير ماقصرت

السلام عليكم وحمد الله عالسلامة ومبروك على طلعت السيارة واقول اذا كنت مداوم على الصيانة الدورية عند الوكالة راح يكون عندك حجة قوية عليهم لاكن اذا العكس الله يعينك ولااااااازم تفص ال airbag لان سلامة الاروا اهم شى والله يعييينك:(

الحمد لله على سلامتك وعلى طلعت السيارة الحقيقة الصدمة تقول ان الدودة والطرمبة مافيهم شي تئكد من الميزان وترصيص الكفرات
في جهاز مختص لترصيص الجنوط والكفرات مع بعض هذا الجهاز ماتلقاة عند اي بنشر الجهاز لونة ازرق وطويل على شكل عامودي
وذا مالقيت هذا الجهاز خلة يفك الكفرات ويفحص الجنوط في جهاز الترصيص يعني كنك ترصص جنوط بدون كفرات وبل توفيق